Mutambo wa u thoma wa Orlando Pirates ino vhege
Khalanwaha ya Orlando Pirates ya 2025/26 ya Betway Premiership i thoma nga nndwa ya nṱha kha kotara ya vhufhelo ya MTN8.
Muṱaṱisano wa u thoma wa Orlando Pirates kha khalanwaha ntswa ya Betway Premiership fhasi ha mugudisi muswa Abdeslam Ouaddou.
Orlando Pirates i ḓo vha na dzangalelo ḽa u ita tshitatamennde tsho khwaṱhaho na thimu ya thekhinikhala yo vhumbiwaho hafhu nga murahu ha tshifhinga tsha Jose Riveiro.
U thoma ha MTN8 ho bvelelaho a zwi nga ḓo ṱuṱuwedza fhedzi vhuḓifari fhedzi fhedzi zwi ḓo dovha zwa vhea iṱo ya zwine zwa nga vha khalanwaha ya tshanduko nga fhasi ha Ouaddou.
MTN8: ORLANDO PIRATES VS POLOKWANE CITY
kha khalaṅwaha yo fhiraho na u vhuya havho kha MTN8 zwi sumbedza uri vha na vhukoni vhuhulwane ha u bveledza zwimangadzo.
Vha ḓo swika Soweto vha si na tshine vha ḓo xelelwa ngatsho na zwoṱhe zwine vha ḓo zwi wana, zwine zwa nga vha ita uri vha vhe mupikisi a re na khombo.
Maṱo oṱhe a ḓo vha kha mutambi muswa wa Orlando Pirates Oswin Appollis.
Ane a ḓo sedzana na thimu yawe ya kale nga murahu ha vhege dzi si gathi musi o no fhedza u pfulutshela kha tshigwada tsha Soweto.
Luvhilo lwawe, vhukoni hawe ha u sika, na nḓivho ya nga ngomu ya nzudzanyo ya u tsireledza ya Polokwane zwi nga vha zwithu zwine zwa ḓo shandula mutambo.
“Ndi muloro wo bvelelaho u tamba kha Pirates; u tamba kha heyi kilabu khulwane ndi khuliso.
” Ndo vha ndi tshi dzulela u vhona Pirates kha TV; u ambara jesi iyi zwi amba zwinzhi kha nne,” ho amba Appollis.
“U sedzana na Polokwane City nga u ṱavhanya nga murahu ha u ṱuwa zwi ita uri hezwi zwi vhe zwo khetheaho vhukuma.
- Vhalani hafhu : Orlando Pirates yo lugela u ita ndugiselo dza Chan
” Fhedzi ndo livhisa ṱhogomelo kha u thusa thimu yanga ntswa uri i kunde. Ndi tshone tshithu tsha ndeme vhukuma.”
Translated by Nthaduleni Rolivhuwa
