TS Galaxy i khou ‘pulana’ u ḓadza zwikhala zwa vhatambi vho rengiswaho

U rengisa vhatambi vhavhili vha ndeme kha thimu nga tshifhinga tshithihi vhukati ha khalanwaha ndi zwithu zwine zwa sa vhilaedze mugudisi wa TS Galaxy.

Vho Adnan Beganovic vho bvisela khagala uri u vhofhololwa ha Khulumani Ndamane na Puso Dithekane uri vha bve kha kilabu a si thaidzo ine ya do vha ita uri vha sa eḓele vhusiku.

Ndamane o vhofhololwa kha thimu ya Mamelodi Sundowns, ine hu khou humbulelwa uri yo mu saina mathomoni a khalanwaha fhedzi ya kona u mu hadzima kha thimu ya TS Galaxy.

Dithejane o rengiswa ino vhege a dzhena na Mbekezeli Mbokazi kha Chicago Fire kha ligi khulwane ya bola ya milenzhe ya US (MLS).

Nga nnḓa ha vhone, tshigwada tsha Mpumalanga tsho dovha tsha rengisela Petrojet ya Egipita Qobolvakhe Sibande.

Fhedzi Beganovic o vhudza vha Sowetans uri ha khou vhilaela na luthihi ngauri vha na vhatambi vhane vha do ḓadza zwikhala.

“Ro rengisela Khulumani kha Sundowns na Puso kha Chicago Fire,” ho amba mugudisi wa miṅwaha ya 42.

“Fhedzi ri kha ḓi vha na tshigwada tshavhuḓi tshi re na vhatambi vhavhuḓi.Tshipikwa tshashu tshi kha ḓi vha tsha u fhedza ri kha top eight.

“TS Galaxy yo vha hone phanḓa ha Khulumani na Puso nahone i ḓo bvela phanḓa naho vha si tsheeho.”

Mugudisi o bebwaho Bosnia-Herzegovina o dovha a bvisela khagala uri zwino vha na vhatambi vhane vha ḓo ḓadza zwikhala zwo siwaho nga u ṱuwa ha Ndamane na Dithejane.

Ndamane o ḓisa mutsireledzi wa Brazil Igor Salatiel wa miṅwaha ya fumbili-ṱhanu, ngeno Dithejane e na Junior Zindonga.

“Zindonga a nga ri itela zwinzhi u fhira Puso… U a ṱavhanya musi a tshi ya phanḓa nahone u a thusa musi o makia.

“Nga murahu hu na Igor, mutambi wa Brazil we ra vha ri tshi khou mu lugisela u ḓadza tshikhala arali Ndamane a ṱuwa.

• VHALANI HAFHU: Mugudisi o amba nga u ṱuwa ha Saleng kha  Orbit Colleage

Masiandoitwa a vhatambi avha vho vhofhololwaho a do vhonala musi khalanwaha i tshi thoma hafhu vhege i daho.