Mulanguli o talutshedza vhumatshelo ha De Reuck kha simba
Tshifhinga tsha Rushine De Reuck na tshigwada tsha Tanzania tsha Simba SC tshi vhonala tshi tshi ḓo vha tshiṱuku.
Hezwi zwo ḓa nga mulanguli wawe, Paul Mitchell, we a khwaṱhisedza uri thendelano ya mutsireledzi ndi ya ṅwaha muthihi fhedzi.
O kombetshedza uri a hu na nyimele ya uri tshigwada tsha Tanzania tshi engedze tshifhinga tsha thendelano yawe musi i tshi fhela .
Zwe Mitchell a amba zwo bveledza mbudziso nga ha vhumatshelo ha Rushine De Reuck kha kilabu, hu sa londwi nḓila ine a ḓo tamba ngayo kha ino khalanwaha.
“O ya henefho lwa nwaha . Hu ḓo vha ṅwaha muthihi fhedzi. A hu na u engedzwa ha thendelano.”
“zwino a thi na vhutanzi uri u do dzula nga nnḓa hazwo, fhedzi ri ḓo zwi vhona nga murahu ha tshifhinga,” Mitchell o ralo.
Mutsireledzi uyu o vhofhololwa nga Mamelodi Sundowns mafheloni a khalanwaha yo fhiraho a dzhena kha Simba SC, a tshi khou lwela zwiphuga zwa hayani na zwa dzhango.
Mitchell o ombedzela uri tshithu tsha ndeme zwa zwino ndi u livhisa ṱhogomelo yoṱhe kha mushumo wawe kha Simba.
“Ndi amba uri u tamba kha Champions League. Ri fulufhela uri u ḓo ita zwavhuḓi kha Champions League nahone a wina ligi na Simba ṋaṅwaha.
“Nga murahu ri ḓo vhona uri hu ḓo itea mini mafheloni a khalanwaha,” ho amba mulanguli.
Hezwi zwi amba uri Simba SC i do tea u ṱavhanya u amba nga ha thendelano ntswa kana ya vha khomboni ya u xelelwa nga mutambi wa murahu wa vhukati a re na tshenzhemo.
