Bobo Sima o livha Botswana u wana tshenzhemo ya ndeme

Mutsireledzi muswa wa Kaizer Chiefs Bobo Sima o ṱutshela Naturena sa izwi o wana kilabu ntswa nnḓa ha shango.

U ṱuwa ha Sima hu pfeseswa uri ho itelwa u wana tshenzhemo nga u tamba kha thimu ya nṱha.

Mutambi uyu wa minwaha ya 20 o hadzimiwa kha thimu ya Mochudi centre chiefs ine ya vha thimu yo khwathaho ine ya khou tamba kha botswana FNB premiership.

Thimu iyi ndi ine ya funeswa nga vhatikedzi vha Kings hu si nga ṅwambo wa dzina ḽayo fhedzi, fhedzi na nga ṅwambo wa uri muphuresidennde wayo ndi muḓivhalea wa Kaizer Chiefs Stanton ‘Stiga’ Fredericks.

Lwendo lwa Sima kha bola ya milenzhe u swika zwino ndi lu tevhelaho:

Khalanwaho yo fhiraho: O vha o hadzimiwa kha TS Galaxy he a vha a tshi khou lavhelelwa u khwathisa tshigwada tshawe fhedzi ha ngo wana tshifhinga tshinzhi tsha u tamba.
Mathomoni a ino khalanwaha: O vhuya hayani kha Chiefs fhedzi ha ngo kona u dzhena kha thimu ya u thoma sa izwi zwino o no fhiriselwa Botswana.
Tshipikwa tshihulwane: U mu wanela tshifhinga tsha mutambo tshifhinga tshoṱhe uri a kone u wana tshenzhemo ya ndeme ngei Botswana.
Sima u do sedza u ita mvelelo nga u ṱavhanya kha ligi ya nṱha ya Botswana sa izwi a tshi ḓo vha a tshi khou tamba kha ligi i si na mutsiko u fana na Betway Premiership.

U ḓo tamba fhasi ha mugudisi muswa wa Mochudi o bebwaho Spain Vho-Miguel Corral Torreira, vhe vha tholiwa zwenezwino.

Torreira u dzhia vhudzulo ha Pontsho Moloi we a vhofhololwa nga tshigwada vhege yo fhiraho zwi tshi tevhela u sa fushea nga mvelelo.

• VHALANI HAFHU:  Hossam Hassan o khoḓa vhagudisi vha Afrika kha Afcon yavhuḓi

Sima u ḓo ṱanganela na muṅwe mutambi wa Afrika Tshipembe kha thimu ine ya vhonala i tshi ḓo vha na zwipikwa zwihulwane.