Masilela o bvukulula tshithu tshithihi tshine Mbule a kha ḓi tshi shaya
Sipho Mbule o ṋewa pfufho ya Man of the Match nga murahu ha musi Bafana Bafana yo kunda Zambia nga 3-1 kha mutambo wa vhukonani ha dzitshaka.
Mutambi wa minwaha ya 27 o nangiwa sa Man of the Match musi Bafana Bafana i tshi kunda Zambia nga 3-1 mafheloni a vhege o fhiraho.
“Masterchef” o vusuludza mushumo wawe u bva tshe a dzhena kha Orlando Pirates nga ṅwedzi wa Fulwana.
Fomo yawe yavhuḓi yo ita uri a vhuyelele kha Bafana na u tamba kha mitambo ya u khetha ya FIFA World Cup ine ya kha ḓi tou bva u fhela.
Nga murahu ha u tamba ha Mbule musi a tshi tamba na Zambia, mutambi wa kale wa Chiefs na Bafana Bafana o khoḓa mutambi uyu wa vhukati, fhedzi a pfa uri u tea u thoma u kora uri a kone u vha mutambi wa vhukati o fhelelaho ane a ṱhasela.
“U tou ṱoḓa zwikori, fhala na fhala u itela u ṱangana zwikoro,” Masilela o ralo kha SoccerBeat.
“luta lwa u thoma ene [Mbule] o vha e na tshikhala tshe a tshi tambisa . Ri khou ṱoḓa uri a shandukise zwikhala zwezozwo.
- VHA RI WANA KHA FACEBOOK| Mitamboyashu.co.za
“U tea u kora zwikoro fhedzi kha u thusedza huvhili, ha u thoma ho vha hu ha vhuṱali, uri o kona hani u thasela, nahone ho vha hu na vhaṱhannga vhavhili vhane vha khou lingedza u mu tsikeledza na u kona u vhona Apppollis.”
Nga murahu ha minwaha mivhili a tshi khou shumana na mafhungo a nnḓa ha mudavhi, Mbule o ṋewa tshikhala tsha vhuvhili kha Pirates nahone a dzhia tshikhala nga zwanḓa zwoṱhe.
Hu vhonala uri u ḓo imela Bafana Bafana nga tshifhinga tsha Tshiphuga tsha Dzitshaka tsha Afrika tshine tsha khou ḓa ngei Morocco.
Fomo yawe kha kilabu na shango yo takadza Hugo Broos, we a zwi bvisela khagala uri Mbule o fhiwa tshikhala tshawe tsha u fhedzisela tsha u sumbedza uri ndi wa ndeme.
