Mafhungo a  mujolo a tanganisa thoho mutambi wa cameroon 

Mutambi wa Cameroon o dzhenelela kha tshiwo tshine tsha khou bvelela kha nyanḓadzamafhungo ya matshilisano phanḓa ha mutambo wa ndeme ino vhege.

Nicolas Moumi Ngamaleu o sedzana na ḓumbu nga murahu ha tshiwo tshi tshuwisaho tshine tsha katela musidzana wawe Nikki, muḓivhalea na muimbi wa Russia.

Uya nga ha mivhigo, u ṱaṱisana ho itea nga murahu ha ḓuvha ḽa mabebo ḽa Nikki musi a tshi wana uri Ngamaleu o ḓisa muṅwe mufumakadzi kha fulethe ye vha vha vha tshi dzula khayo.

• vhari wana kha facebook| Mitamboyashu.co.za

Musi a tshi swika henefho fhethu na khonani yawe, hu pfi Nikki o imiswa nga mutambi wa Dynamo Moscow, we a amba uri malume wawe vho vha vhe nga ngomu.

Nikki a songo fushea nga zwenezwi, o mbo ḓi vhidza mapholisa, vhe vha kombetshedza u dzhena fuletheni u itela u i setsha.

Vho mbo ḓi wana muṅwe mufumakadzi nga ngomu, a tshi vhonala o shona nahone a tshi khou lingedza u dzumba tshifhaṱuwo tshawe kha vidio ye ya phaḓalala kha nyanḓadzamafhungo ya matshilisano.

Nga murahu ha tshiwo itshi, hu pfi Nikki o paka zwithu zwawe a vhudza Ngamaleu uri a bve nḓuni ye vha vha vha tshi dzula khayo.

• VHALANI HAFHU : Hezwi ndi mathomo, u ralo Ouaddou wa Orlando Pirates

Mafhungo aya hu khou pfi o vhigwa lwa tshiofisi mapholisani. Naho zwo ralo, Ngamaleu u khou ṱoḓa u dzhena kha thimu ya lushaka ya Cameroon.

Cameroon i ḓo ṱangana na DR Congo nga ḽa 13 Lara ngei Rabat, Morocco kha mutambo wa u ṱanganela kha Tshiphuga tsha Ḽifhasi.