Nḓila ya Ouaddou ya u dzudzanya muṱaṱisano wa Hotto/Ndaba
Mugudisi muhulwane wa Orlando Pirates Vho Abdeslam Ouaddou vho bvisela khagala nga ha vhulanguli havho ha Deon Hotto na Nkosikhona Ndaba.
Vhuvhili havho vha khou ṱaṱisana kha vhuimo ha leftback kha thimu yawe, nahone zwi vhonala u nga vha khou remisa ṱhoho Ouaddou.
Ouaddou o ṱalutshedza uri tsheo yawe ya u thoma nga Ndaba kha mitambo mivhili yo fhiraho ndi tshipiḓa tsha pulane yo ḓiimiselaho ya u ṋea vhathannga tshikhala tsho teaho tsha u ḓi sumbedzisa.
“Ndi khou thoma nga Ndaba na u mufha tshikhala tsha u ḓisumbedzisa nga vhuḓalo kha Pirates ngauri ndi mutambi a thembisaho,” ho amba Ouaddou.
Malugana na Hotto, mugudisi o ombedzela ndeme ya u vhulunga mutambi wa Namibia a re na tshenzhemo, we
a hwala mushumo muhulwane kha khalanwaha ya zwenezwino.
- vhari wana kha facebook| Mitamboyashu.co.za
“Nga ha Deon Hotto, samusi miṅwaha yawe i tshi khou bvela phanḓa, ndi khou mu tsireledza nga u mu awedza lunzhi-lunzhi,” ho engedza mugudisi wa Morocco.
“O tamba mitambo minzhi kha khalanwaha yo fhiraho u mona na Betway Premiership, Caf Champions League, na dziṅwe khaphu…”
Vho engedza nga uri u langa vhatambi vha kale nga vhuronwane zwi thusa u thivhela u huvhala lwa tshifhinga tshilapfu.
“Ri tsireledza vhatambi vhahulwane sa Deon Hotto ngauri arali a huvhala, zwi nga mu dzhiela tshifhinga tshilapfu uri a fhole .”
Hotto o vha o no vhuya a kovhelana vhuimo na Paseka Mako, we a vha a tshi khou lwisana na vhulwadze vhune ha dzulela u vha hone he ha kombetshedza uri a fhedze tshifhinga tshilapfu e fhasi ha ṱhogomelo ya zwa ngalafho.
- VHALANI HAFHU: Vha Pirates vho vhea iṱo munwe mutambi wa Richards Bay
“Mushumo munzhi wo wela kha mahaḓa a Hotto sa izwi o vha a tshi khou tamba kha defence na kha left wing,” Ouaddou o phetha nga u ralo.
