Khenyeza o vhuya kha PSL, u do gudisa inwe ya thimu
Mugudisi wa kale wa thimu ya Golden Arrows Vho-Mabhuti Khenyeza vho vhuyelela kha ligi Premier Soccer League nga murahu ha u tamba lwa minwedzi mitanu kha ligi ya vhatambi vhaṱuku.
Vho-Mabhuti Khenyeza na Vho-Thabo September vho tholiwa nga tshigwada tshine tsha khou ṱoḓa u vha tshigwada tsha Komani United tsha Ḽigi ya ABC Motsepe ya Eastern Cape nga ṅwedzi wa Fulwi.
September o dzhena sa mulanguli wa vhugudisi ngeno Khenyeza o tholiwa sa mugudisi sa izwi kilabu i tshi khou ṱoḓa u huliswa kha mbambe ya Motsepe Foundation.
- vhari wana kha facebook| facebook.com/profile.
Vhavhili avha vho shumisana zwavhudi kha Chippa United khalanwaha yo fhelaho vha sa athu bviswa mafheloni a khalanwaha naho vho tamba zwavhudi.
Fhedzi mushumo we vha vha vho u ita wo vhonwa nga vhaofisiri vha Komani United vhe vha ṱavhanya vha ya u vha dzhia.
Fhedzi tshisima tsha Lisenethini tsho bvisela khagala uri Mabhuti Khenyeza o ṱutshela tshigwada nahone u ḓo dzhia vhuimo ha Black Leopards sa mugudisi.
U do dzhiela vhudzulo Joel Masutha we a ṱutshela tshigwada mafheloni a vhege o fhiraho, a tshi amba vhushaka vhu si havhuḓi na vhalanguli sa tshiitisi tsha u ṱuwa.
- VHALANI HAFHU: Mafhungo a mujolo a tanganisa thoho mutambi wa cameroon
Khenyeza o vha a si na farewell ye a vha a tshi do i takalela ngei Komani sa izwi o pandelwa kha mutambo wawe wa u fhedzisela mafheloni a vhege o fhiraho.
Fhedzi-ha, u ḓo tea u ṱavhanya u vhea zwenezwo zwoṱhe murahu musi a tshi ḓo dzhia vhuimo ha iṅwe ya kilabu dzi ṱhonifheaho na u tikedzwa vhukuma kha dzingu ḽa Venda.
