Chipezeze o bvisela khagala tshiphiri tsha pfufho dza Carling KO
Mulindavhuno wa tshigwada tsha Magesi FC Vho-Elvis Chipezeze vho amba nga ha u tamba havho havhuḓi nga eṱhe na khaedu dze thimu yawe ya tangana nadzo kha ino khalanwaha.
Chipezeze o no vha ‘khosi’ ya Carling Knockout nga murahu ha musi o wina pfufho ya Man of the Match lwa rathi.
Musi vha tshi khou amba na Vho-Lisenetinii, Vho-Elvis Chipezeze vhari a vha finya masogisi avho fhedzi kha Carling Knockout.
“Ndi khou shuma nga maanḓa u thusa Magesi FC uri i bvelele, hu sa londwi uri ri khou tamba kha MTN8, Nedbank
cup,Carling Knockout, kana Betway Premiership,” ho amba Chipezeze.
Mulindavhno ane a ḓivhelwa nea ndaela vhukati ha dzipost, u ri u tamba hawe hu sa shanduki hu ḓa u bva kha u ḓiimisela na u ḓikumedzela kha u bvelela ha thimu.
Elvis Chipezeze o khoḓa nndwa yawe na u livhisa ṱhogomelo sa zwone zwo itaho uri a wane pfufho nnzhi dza Man of the Match .
“Tshiitisi tsha uri ndi wine Man of the Match lwa rathi ndi ngauri ndo vha ndi tshi khou lwa u itela u vhona uri a ro ngo kundwa fhedzi .
- vhari wana kha facebook| Mitamboyashu.co.za
“Kha khalanwaha yashu ya u thoma kha Betway Premiership, ro wina Carling Knockout nga u shuma nga maanḓa,”
Fhedzi mulindavhuno wa Zimbabwe o sumbedza u dinalea nga u bva ha tshigwada kha Carling Knockout zwenezwino.
“U bviswa hashu kha Carling Knockout zwo nnyadzisa ngauri ndo vha ndi tshi ṱoḓa uri ri i tsireledze, fhedzi ro lingedza zwa khwinesa zwashu nahone ra kundelwa.”
Chipezeze o dovha a sumbedza u sa dzika kha bentshi ya thekhinikhala sa tshithu tshihulwane tshine tsha khou thithisa thimu.
“U dzulela u shandukiswa ha vhagudisi zwo ri vhaisa. Ro thoma khalanwaha yashu ya u thoma na Clinton Larsen,” vha engedza nga u ralo.
- VHALANI HAFHU: Nḓila ya Ouaddou ya u dzudzanya muṱaṱisano wa Hotto/Ndaba
“O vha o ri alusa u bva kha Muṱaṱisano wa Motsepe Foundation , ha kona u ḓa Owen Da Gama, nahone zwino ndi John Maduka ane a kha ḓi lingedza u ṱanganya thimu.”
