Mafhungo maḓifha kha vhatikedzi vha Kaizer Chiefs

Kaizer Chiefs na yone i khou ṱoḓa u khwaṱhisa tshigwada tshayo phanḓa ha musi fasiṱere ḽa vhukati ha khalanwaha ḽi tshi vala nga Ḽavhuṋa.

Hezwi zwi tevhela uri mutambi we a vha a tshi khou ṱangana navho lwa tshifhinga tshilapfu zwino u khou wanala mahala zwi tshi tevhela zwe a vhofhololwa kha kilaba ye a vha a tshi khou tamba khayo.

Mulaedza wa Kaizer Chiefs kha we wa vhilaedzisa vhatikedzi  nga u fhumula havho kha heḽi fasiṱere ndi wa uri a vha nga ḓo saina, nga nnḓa ha musi hu tshi ḓa mutambi o khetheaho.

Zwino Mihlali Mayambela o bvelela, nga murahu ha musi o fhandekana na tshigwada tshawe tsha Cyprus Aris Limassol FC nga Ḽavhuṋa.

Kiḽaba yo bvisa tshitatamennde tshi tshi khou khwathisedza uri vho fhambana na mutambi uyu we a dovha a tamba kha Bafana Bafana.

“Mutambi wa phanḓa wa miṅwaha ya 29 o dzhoina kiḽaba nga 2022 nahone o vha na mushumo wa ndeme kha u bvelela hayo ha ḓivhazwakale,” ho amba kiḽaba.

“Nga tshifhinga tshawe ngei Aris, Mayambela o shela mulenzhe kha u wina tshiphuga tsha Tshigwada tsha u Thoma tsha Cyprus, u wina Super Cup, na u swika kha vhuimo ha zwigwada ha Uefa Europa League.

“Nga miṅwaha miraru na hafu kha kilabu, Mayambela o tamba mitambo ya 125 kha miṱaṱisano yoṱhe, a kora zwikoro zwa 19.

“Aris Limassol i tama u livhuwa Mihlali Mayambela kha u ḓikumedzela hawe na u mu tamela mashudu kha ndima i tevhelaho ya mushumo wawe.”

Zwino ngauri ha tsha vha kha kilabu, Mayambela a nga dzhena kha kilabu iṅwe na iṅwe mahala.

• VHALANI HAFHU: Tshiitisi tsho itaho uri Orlando Pirates i bvise Ndah

Mafhungo madifha ndi a uri sa vhunga thendelano yo fheliswa, a nga dzhena na nga murahu ha musi transfer window yo no vala.

Zwino mato othe a kha uri u do fhedza e kha thimu ifhio fhedzi vhunzhi ha zwiga zwi khou sumbedza Kaizer Chiefs.