Kaizer chiefs yo wina futhi ya fhira Orlando pirates
Tshigwada tsha Kaizer Chiefs tsho kunda Marumo Gallants nga 1-0, zwi tshi khou itiswa nga tshikoro tshi takadzaho tsha Glody Lilepo tshitediamu tsha Dr Molemela.
Kaizer Chiefs yo gonya ṱafula ḽa Betway Premiership ya vha kha vhuimo ha vhuvhili, yo fhira muṱaṱisani wayo Orlando Pirates.
LILEPO O KHETHEAHO
Nga miniti ya vhu 66, Lilepo o ṋetshedza tshifhinga tsha vhuṱolo, a bvisa tshiṱiraiki tshi mangadzaho tshe tsha ḓi ṱomola kha khona ya kule u bva kha phapha ya tsha u ḽa.
Hu sa londwi uri ho vha hu shotho kana cross, a zwi nga ḓo vha na mushumo. Ndi muṱaṱisani wa tshikoro tsha khalanwaha.
Gallants yo sukumedza nga maanḓa nga murahu ha tshifhinga, ya sika zwikhala zwivhili zwi re na khombo, fhedzi Petersen o ima o khwaṱha nga u tsireledza nga fulufhelo.
Kaizer Chiefs yo vha na zwikhala zwa u vhulaha mutambo, naho zwo ralo u sa dzhia tsheo zwavhuḓi kha bogisi zwo ita uri tshikoro tshi vhe tight.
Mafheleloni, Amakhosi yo tamba nga vhuronwane u itela u wana phoindi dzoṱhe tharu, u kunda hayo ha vhuraru nga u tevhekana nga 1-0 nga murahu ha u kunda Golden Arrows na ZESCO United.
Nga murahu ha zwenezwo, Kaizer Chiefs i ḓo livhisa ṱhogomelo yayo kha Tshiphuga tsha Khonfederesheni tsha CAF, i tshi ḓo ṱanganedza ZESCO United Tshitediamu tsha Moses Mabhida nga Swondaha nga awara ya 15:00.
