Mfundo Vilakazi o bvisela khagala zwipikwa zwawe kha Gallants
Mutambi wa Kaizer Chiefs Mfundo Vilakazi o bvisela khagala tshipikwa tshawe tshi re khagala musi vha tshi khou livha kha mutambo wa Betway Premiership na Marumo Gallants.
Tshipikwa tshi khagala: vha tea u wina hoyu mutambo wa Gallants uri vha kone u fhira Orlando Pirates kha logo na u vha nea mutsiko.
Chiefs i ḓo ṱangana na Gallants nga Ḽavhuraru vhusiku tshitediamu tsha Dr Petrus Molemela – mutambo u ḓo thoma nga awara ya sumbe na hafu nga madekwana.
U wina zwi do vha fha poindi tharu uri vha swike kha 30. Zwenezwo zwi do vha vhea phanda ha Pirates ine zwa zwino i kha vhuimo ha vhuvhili.
Chiefs i na dzangalelo la kunda nga murahu ha musi yo tamba 1-1 na Gallants kha round ya u thoma FNB Stadium.
Tshigwada tsha u fhedzisela tsha Kaizer Chiefs tsho kunda Galants ngei Bloemfontein ho vha nga Tshimedzi 2024, Mfundo Vilakazi o dzhia tshikoro.
“Arali ra tamba mutambo washu, mvelelo dzi ḓo ḓa,” ho amba Mfundo Vilakazi kha webusaithi ya Kaizer Chiefs.
“Zwi nga vha zwavhuḓi u wana dziṅwe phoindi tharu .
“U kora khavho zwo nṋea ṱhuṱhuwedzo muhumbuloni wanga, nahone ndi nga takalela u zwi ita hafhu.”
Chiefs yo sedzana na mbekanyamushumo i konḓaho ya mitambo yo tsitsikana. Vha dzhena kha mutambo uyu vha tshi kha di tou bva u vhuya Zambia he vha tamba na Zesco United kha Caf Confederation Cup nga Swondaha.
Vha do dovha vha tangana na tshigwada tsha Zambia kha Moses Mabhida Durban mafheloni a vhege.
Fhedzi vha sa athu u livhisa ṱhogomelo kha mutambo wonoyo vha fanela u fhedza wa Gallant vhane vha khou ṱoḓa u vhuyelela murahu kha u kundwa havho kha mutambo wo fhiraho.
“Nga ṅwambo wa tshifhinga tsha u awela tsha Afcon, hu na tshifhinga tshiṱuku vhukuma vhukati ha mitambo,” ho amba Vilakazi.
- VHALANI HAFHU : Arrows yo humbela pfarelo kha u ‘kolela’ Sipho Mbule
“Fhedzi ri tea u zwi dzudzanya nga u ṱavhanya. Muṅwe na muṅwe u tea u shela mulenzhe, nahone tshithu tsha ndeme vhukuma zwino ndi u ḓilugisela mitambo iyi ine ya khou ṱavhanya.”
