MuNigeria we a guda na Pirates zwino u KZN
Mutsireledzi wa Nigeria Chimzulam Collins Nwoburuoke u khou lavhelelwa u fhedzisa u dzhena kha thimu ya KwaZulu-Natal nga murahu ha musi o fhedza maḓuvha a si gathi a tshi khou ḓiḓowedza na Orlando Pirates.
Nwoduruoke hu pfi o vha a tshi khou guda na Pirates fhedzi zwino u vhonala a tshi khou ṱoḓa u dzhena kha thimu ntswa ya Betway Premiership ya Durban City.
Kiḽaba i re KwaZulu-Natal i kha ḓi khwaṱhisa tshigwada tshayo musi i tshi khou ḓilugisela fulo ḽayo ḽa u thoma kha ligi ya nṱha nga murahu ha u takuswa hayo u bva kha Muṱaṱisano wa Motsepe Foundation.
Nga murahu ha u huliswa havho kha tshigwada tsha nṱha, Durban City yo ita tshanduko khulwane kha vhashumi vhayo vha thekhinikhala.
Vho-Gavin Hunt vho tholiwa sa mugudisi muhulwane, vha tshi khou dzhia vhudzulo ha Vho-Simo Dladla.
Mugudisi wa kale Vho-Ernst Middendorp vho tholiwa sa mulanguli wa vhugudisi ha tshigwada.
Hunt o no ḓi ḓisa vhatambi vhanzhi vha re na tshenzhemo vhane vha katela Darren Keet, Thabo Nodada, Haashim Domingo, Patrick Autata, Brooklyn Poggenpoel, Trevor Mokwena, Kyle Jurgen na Liam De Kock.
Nwoburuoke, mutsireledzi wa nṱha, o vha a tshi khou guda na Orlando Pirates nga ndivho ya u wana thendelano vhege dzi si gathi dzo fhiraho.
Fhedzi uya nga ha FARPost, o litsha u guda na tshigwada tsha Soweto.
Zwino vha Durban hune vha khou sedziwa uri vha fhedzise u pfulutshela Durban City.
“Chimzulam collins nwoburuoke o litsha u gudiswa na orlando pirates u khou ya Durban city.
“Nga tshifhinga tshino, hu na zwidodombedzwa zwi si gathi zwine zwa tea u shumiwa, nahone thendelano i ḓo itea hu si kale.
“Ndi mutambi wa vhuimo ha nṱha ane a ḓo engedza vhuimo ha nṱha kha Durban City,” ho topolwa tshisima.
Zwine zwa khou mangadza ndi uri Durban City yo vha yo no ṱoḓa Nwoburuoke nga tshifhinga tsha pre-season fhedzi ya nanga u sa mu saina.
- VHALANI HAFHU : Cardoso o amba nga ha u huvhala ha Themba Zwane
Fhedzi zwino zwi a mangadza uri vho vhuyelela khae.
Khanwe ndi ngauri a vho ngo wana Thulani Hlatshwayo we vha vha vha tshi khou ṱoḓa u mu saina.
Translated by Nthaduleni Rolivhuwa
