Nabi u talutshedza uri ndi ngani Chiefs yo kundwa nga Lavhuvhili
Mugudisi muhulwane wa Kaizer Chiefs Vho-Nasreddine Nabi vho fhindula nga murahu ha musi tshigwada tshavho tsho kundwa lwa u thoma kha ino khalanwaha.
Amakhosi yo wela fhasi nga 3-1 kha Sekhukhune United stadium tsha FNB nga Lavhuvhili nga madekwana.
Glamour Boys a yo ngo sokou tambula nga u kundiwa hayo ha u thoma, fhedzi yo dovha ya tenda lwa u thoma kha ino khalanwaha.
Musi vha tshi amba nga murahu ha mutambo, Vho-Nabi vhari thimu yavho yo ita vhukhakhi zwe zwa ita uri hu vhe na zwikoro.
“Ndi ngoho uri a si mvelelo ye ra vha ri tshi khou i ṱoḓa fhedzi ro ita vhukhakhi vhunzhi he ha ita uri hu vhe na zwikoro, nga maanḓa bola ndapfu,” o vhudza SuperSport TV.
“Ro vha ri sa khou shuma zwavhuḓi nga maanḓa kha mvelaphanḓa yashu, naho ro sika zwikhala zwa u kora fhedzi ro vha ri sa koni u zwi shandukisa,
“Nahone ndi nga amba uri ndi ḓuvha ḽi si na nahone vhapikisi vho vha vho tewa vhukuma nga phoindi tharu ṋamusi.
Nabi o amba uri u kundwa ho vha hu “khombo” nahone a fhirisela ṱhogomelo yawe kha khaphu ya khonfederesheni ya CAF, hune Kaizer Chiefs ya tamba na Kabuscorp.
“Khalanwaha i kha ḓi vha ndapfu, ṋamusi ri nga amba uri ndi khombo.
“Ri fanela u ḓiṱanganya u itela u ṱuṱuwedza mutambo u tevhelaho [CAF Confederation Cup] ngauri u ḓo vha mutambo wa u ṱhasela mitambo mivhili i tevhelaho.
“Bola iyi tshinwe tshifhinga u vha na khombo tshinwe tshifhinga u a kundwa fhedzi ndi vhona unga a ro ngo fanela u tshuwa, ndi khombo. Ri khou tou thoma khalanwaha,” Nabi o ralo.
Nabi o xelelwa nga mitambo miraru ya u thoma ya Kaizer Chiefs nga ṅwambo wa shishi ya muṱani nahone musi a siho, tshigwada tsha Soweto tsho kunda mitambo yatsho miraru ya u thoma.
- Vhalani hafhu: MuNigeria we a guda na Pirates zwino u KZN
U bva tshe a vhuya, Amakhosi yo kunda luthihi, ya ita draw ya dovha ya kundwa.
Translated by Nthaduleni Rolivhuwa
