Orlando Pirates yo dzhena kha mbambe ya u saina mutsireledzi wa nṱha
Orlando Pirates FC i khou lingedza u fhata tshigwada tshi ofhisaho.
Zwino tshigwada tshi khou lingedza u thivha tshinwe tshikhala tshine ha vha na thaidzo!
Hu khou pfala uri Orlando Pirates yo dzhena kha mbambe ya u saina mutambi wa nṱhesa wa mutsireledzi wa Afrika.
Buccaneers yo khwaṱhisa vhukuma tshigwada tshayo kha tshifhinga hetshi tsha u fhirisela, yo ṱanganedza tshivhalo tsha vhatambi vhaswa.
Bugu ya tsheke naho zwo ralo i vhonala i tshi kha ḓi vha yo vulea vhukuma ngei Mayfair!
Kha ri lavhelese zwidodombedzwa zwoṱhe zwa ndeme zwi re afho fhasi.
Uya nga ha mivhigo ya zwenezwino ya u rengisa vhatambi, mutambi wa murahu wa tsha monde wa miṅwaha ya 27 wa Senegal Mor Talla Mbaye u khou ṱoḓiwa nga tshigwada tsha Orlando Pirates FC.
Mbaye o fhedza minwaha mivhili yo fhelaho kha tshigwada tsha Africa tsha TP Mazembe, naho zwo ralo u vhonala o no ṱutshela tshigwada.
Uya nga ha Africa Foot, Zamalek yo no ḓi ḓisa thendelo ya u renga mutsireledzi uyu.
Khandiso yeneyo i amba uri Orlando Pirates na yone i kha ṱafula ḽa nyambedzano na Mbaye!
- VHALANI HAFHU Ouaddou: ‘A zwi ambi uri ndi mugudisi wa khwine’
Nkhosikhona Ndaba o dzhena kha tshigwada a tshi bva Richards Bay nahone ndi ene fhedzi mutambi wa murahu wa tsha monde wa vhukuma zwino.
Translated by Nthaduleni Rolivhuwa
