Lekgwathi: Pirates yo vha ina vhudzivha fhedzi Saleng a i khakhisa
Mutambi wa kale wa Orlando Pirates Vho-Lucky Lekgwathi vha tenda uri Buccaneers yo vha i na vhudzivha ha tshigwada tsha u dzhena nḓilani yoṱhe kha ino khalanwaha — fhedzi vha ri nyimele ya Monnapule Saleng yo thithisa mvelaphanḓa yavho.
Saleng ha ngo tamba kha Pirates lwa minwedzi i fhiraho rathi.
U sa vha hone hawe zwi tshimbilelana na u vhigwa ha khanedzano ya muholo na kilabu.
Mutambi wa winger o xelelwa nga mitambo ya ndeme, hu tshi katelwa na fulo ḽa Pirates ḽa CAF Champions League.
“Ndi vhona unga ri na vhudzivha kha tshigwada,” ho amba Lekgwathi. “Kha khalanwaha dzo fhiraho, ndo vha ndi tshi gungula nga ha u shaya zwikhetho. Fhedzi zwino, ni nga zwi vhona.”
O khoḓa u rembuluwa ha vhatsireledzi.
“Tapelo Xoki o ita zwavhuḓi, nahone musi e nnḓa, Nkosinathi Sibisi o mbo ḓi dzhena.
“Zwino Mbokazi u khou langa vhatambi vha murahu. Ri kha ḓi vha na Olisa Ndah na Innocent Maela kha bannga. Hu na muṱaṱisano wa vhudi.”
Fhedzi Lekgwathi u tenda uri u sa vha hone ha Saleng zwo kwama u ṱhaselwa havho.
“Tshithu tshithihi fhedzi tshe tsha ṱoḓa u tshinya zwithu ndi mafhungo a Saleng. Arali ḽeneḽo fhungo ḽo vha ḽi siho, ro vha ri tshi ḓo vha ri tshi khou amba mafhungo o fhambanaho.”
Saleng o vha a tshi khou tamba zwavhuḓi kha khalanwaha yo fhiraho.
Vhukoni hawe ha u sika na zwipikwa zwo ita uri a vhe mutambi wa ndeme kha Pirates.
Lekgwathi uri team yo vha i tshi shaya khetho i re khagala kha right wing hu si na Saleng.
“Zwa zwino, arali Mohau Nkota a sa kho tamba, a thi divhi uri ndi nnyi ane a dzhia vhuimo honoho.”
Naho vho wina MTN8 na u swika kha mutambo wa u fhedzisela wa Nedbank Cup, Pirates yo vha i tshi khou ṱahela kha ligi na kha ḽa Afrika.
Lekgwathi u humbula uri tshigwada tsho vha tshi na zwine tsha ṱoḓea u itela u swikelela zwinzhi — arali hu si nga ṅwambo wa ḓirama ya nnḓa ha mudavhi.
Translated by Nthaduleni Rolivhuwa
