Kaizer Chiefs yo vhea iṱo kha Ṋaledzi ya Tanzania Feisal Salum
Mugudisi wa Kaizer Chiefs Vho-Nasreddine Nabi vha khou ṱoḓa nga maanḓa u saina mutambi wa dzitshaka wa Tanzania Vho-Feisal Salum phanḓa ha khalanwaha ya 2025/26.
Nabi, khathihi na ṱhoho ya vhaṱoḓisisi vha Chiefs Vho-Thembela ‘Tera’ Maliwa, vho vhonwa zwenezwino ngei Tanzania vha tshi khou ṱanganela kha mutambo vhukati ha Simba SC na Singida Black Stars.
Naho hu tshi khou humbulelwa zwipikwa zwinzhi, vha nga ngomu vha khwaṱhisedza uri tshipikwa tshihulwane tsha Nabi ho vha hu Salum.
Hu pfi mugudisi wa Chiefs o vha na muṱangano wa ndeme na Salum musi a tshi khou dalela.
Zwi a pfala uri mutambi wa vhukati u khou fhisetshela u dzhena kha Amakhosi, nga u takalela tshitaila tsha u gudisa tsha Nabi.
U dzhia vhukando zwi nga fheleledza zwo bvelela nga murahu ha musi vhuḓidini ho fhiraho ho wa nga ṅwambo wa mutengo wa Azam FC wa R40 miḽioni.
Salum, ine ya kha ḓi vha fhasi ha thendelano lwa ṅwaha muthihi, zwino i nga wanala nga mbadelo yo fhungudzwaho.
Mutambi uyu o vhuya a lingedza u ṱuṱuwedza uri a fhiriselwe kha muṅwe mutambi nga ṅwedzi wa Phando nga u imisa vhugudisi lwa vhege, zwine zwa sumbedza ndivho yawe ya u bvela phanḓa.
Naho Chiefs i kha vhuimo ha u thoma, i khou sedzana na muṱaṱisano u bva kha vhahali vha Tanzania Yanga na Simba.
Yanga, nga maanḓa, u ṱoḓa u dzhiela vhudzulo Stephane Aziz Ki, we a ṱuwa a ya Wydad Casablanca.
Zwiko zwi re tsini na Nabi zwo bvisa vhushaka na Simba’s Kibu Denis, vha tshi bvisela khagala uri madalo a mugudisi kha mutambo o vha o sokou itea nahone a si na vhushaka na mutambi.
Chiefs i kha di vha yo sedza kha Salum, i tshi mu dzhia sa tshipida tsha ndeme kha u vusuludza midfield yavho.
Arali thendelano ya fhira, zwi ḓo vha u dzhia maanḓa huhulwane kha Amakhosi musi vha tshi khou dzudzanyela u thoma huswa nga fhasi ha Nabi.
Translated by Nthaduleni Rolivhuwa
