Van Rooyen upfhao huliswa nga u nangwa kha Bafana
Mutambi wa murahu wa Orlando Pirates Vho-Deano van Rooyen vhari ndi khuliso u fhedza vho nangiwa kha tshigwada tsha Bafana Bafana.
Mutambi uyu wa minwaha ya 28 ndi tshipida tsha tshigwada tsha lushaka tshine tsha do tamba na Tanzania na Mozambique kha mitambo ya vhukonani ine ya khou da.
Vho-Van Rooyen ndi munwe wa vhatambi vhaswa vha fumi vho vhidzwaho nga Mugudisi Vho-Hugo Broos.
O ṱanganela na vhatambi ngae vha Pirates Mbekezeli Mbokazi, Simphiwe Selepe, na Mohau Nkota kha nzudzanyo ya lushaka.
Mutambi wa kale wa Stellenbosch FC o vha na khalanwaha yo khwathaho ya 2024/25.
O tamba mitambo ya 20 kha Pirates, ho katelwa na 18 ya u thoma.
Fomo yawe i sa shanduki yo thusa Buccaneers u fhedza kha vhuimo ha vhuvhili kha Betway Premiership.
“Ndi khuliso na ndugelo,” ho amba van Rooyen. “Ndo vha ndi tshi kho u shuma nga maanda.
“A u vhuyi wa ḓivha uri tshikhala tshau tshi ḓo ḓa lini. Ndi khou ṱoḓa u vha nṋe muṋe na u ṋea zwoṱhe zwine nda nga kona.”
U tenda uri tshenzhemo yawe ya CAF Champions League na Pirates i ḓo thusa Bafana.
Pirates yo swika kha round dza u bva kha muṱaṱisano nahone ya sumbedza u tamba ho khwaṱhaho kha dzhango.
“Vhunzhi hashu kha Pirates ro wana tshenzhemo nnzhi kha CAF Champions League,” vha ralo.
“Ri khou ḓisa zwenezwo kha mitambo iyi mivhili. Ndi nga ha u thusa shango u swikelela zwipikwa zwaḽo.”
Van Rooyen na vhanwe vhane vha khou thoma u tamba vha na tshikhala tshihulwane.
Vhatambi vha tshifhinga tshoṱhe vha Mamelodi Sundowns vha khou xelelwa nga mitambo ya vhukonani nga ṅwambo wa vhuḓikumedzeli ha Club World Cup ngei USA.
Translated by Nthaduleni Rolivhuwa
