Al Ahly i khwathisedza dzangalelo la Saleng, naa li nga vusuludzwa?
Mutambi wa Orlando Pirates Vho-Monnapule Saleng vho vha vhe tshipikwa tshihulwane tsha tshigwada tsha Egypt tsha Al Ahly. Zwenezwo zwo khwaṱhisedzwa zwino.
Saleng ha athu tamba kha Pirates ubva nga dzi 7 dza Nyendavhusiku.
O tamba lwa u fhedzisela musi vha tshi tamba na Al Ahly nga 0-0 kha CAF Champions League tshitediamu tsha Orlando.
U bva tsheetsho, ha tsha vha hone hu si na u huvhala ho vhigwaho lwa tshiofisi.
Vhafuni vho vhudzisa mbudziso. Ndi ngani Saleng o no vha nnḓa lwa tshifhinga tshilapfu nga u rali?
Mafhungo a sumbedza u thivhelwa ha u fhiriswa na khonadzeo ya khanedzano dza miholo
Musi vha tshi khou amba kha Podcast ya Kora Talks, Vho-Ramzy vho amba uri Al Ahly yo vha i tshi khou lavhelesa Saleng nga vhuronwane.
“Saleng ndi mutambi we ra mu ṋea tshikalo tsha nṱha,” ho amba Ramzy. “U fana na Percy Tau nga tshitaila, fhedzi u a ṱavhanya nahone u na vhutsila vhuhulwane.”
Ramzy o engedza nga uri mugudisi wa Al Ahly o vha a tshi takalela Saleng.
“Ro mu ṋea fuḽaga khalanwaha na hafu yo fhiraho. Fhedzi thendelano a yo ngo vhuya ya fhelela.”
Naho u ṱuwa ho wela fhasi, Saleng u kha ḓi vha muṅwe wa vhatambi vha khwiṋe vha Afrika Tshipembe.
Vha Pirates a vha athu bvisa tshitatamennde tsha tshiofisi. Fhedzi nyambedzano nga ha vhumatshelo ha Salang i khou fhisa.
Translated by Nthaduleni Rolivhuwa
