Chiefs yo kunda Zesco kha mbambe ya Confederation Cup
Kaizer Chiefs yo vhuisa fulo ḽayo ḽa khaphu ya CAF nḓilani musi i tshi kunda tshigwada tshihulwane tsha Zambia tsha Zesco United.
Amakhosi yo kunda nga 1-0 kha mutambo wayo wa vhuraru wa zwigwada kha muṱaṱisano wa dzhango.
Tshikoro tsha u kunda tsho ḓa nga miniti wa vhuvhili wa mutambo, tsho dzheniswa nga Pule Mmodi.
Nga u kunda, Kaizer Chiefs i kha ḓi vha kha vhuimo ha vhuraru, fhedzi i na phoindi nṋa dza u sendela tsini na vhuimo ha nṱha.
Naho vho kunda, Amakhosi yo sumbedza u konḓelela havhuḓi kha mutambo we wa farelwa tshitediamu tsha Levy Mwanawasa ngei Ndola nga Swondaha nga masiari.
Zesco yo vha yo no vha na vhuhali nahone yo vhea Chiefs fhasi ha mutsiko muhulwane kha hafu ya vhuvhili fhedzi thimu yapo yo kona u vala tshikhala.
Thimu dza Egypt – Al Masry na Zamalek – dzi khou ranga phanḓa Tshigwada tsha D tsha thonamennde.
Vha Egypt giants vha do tangana kha mutambo wavho une wa do sumbedza uri ndi nnyi ane a do vha ranga phanda nga Swondaha vhusiku.
Arali Zamalek ya kundwa kha mutambo uyu, Chiefs i do gonya kha vhuimo ha vhuvhili nga nthani ha phambano ya zwikoro.
