Ouaddou o ṱalutshedza u sa tamba ha Tshegofatso Mabasa 

Nga murahu ha mavharivhari a uri Vho-Tshegofatso Mabasa vha nga ṱutshela tshigwada tsha Orlando pirates, mugudisi Vho-Abdeslam Ouaddou vho amba nga ha tshiimo tsha mutambi uyu.

Tshegofatso Mabasa ndi wa vhuvhili kha mutevhe wa vhatambi vha nṱhesa vha Orlando pirates nga murahu ha Benedict Vilakazi.

Zwino u kha ḓi vha kule na zwikoro zwa 8 uri a swike kha rekhodo ya Vilakazi ya zwikoro zwa 52.

O vha o lavhelelwa u swika kha rekhodo nahone khamusi a i fhira kha ino khalanwaha, fhedzi u sa tamba hawe zwi ita uri zwenezwo zwi vhonale zwi sa ḓo leluwa. 

U sa tamba hawe zwo ita uri hu vhe na mavharivhari a uri ho sala minwedzi i si gathi fhedzi kha thendelano yawe u do ṱuwa musi i tshi fhela.

Musi vha tshi khou amba na Marawa Sports Worldwide ino vhege, Vho-Ouaddou vho vhudziswa nga ha nyimele ya Tshego Mabasa na uri ndi ngani vha si tsha vha kha tshigwada tsha u thoma.

Mugudisi wa Pirtaes wa miṅwaha ya 47 o ri: “U amba ngoho, vhathu vhanzhi vha a mmbudzisa yeneyo mbudziso.

“Tsha u thoma a thi na thaidzo na April, ndi mutambi ane nda mufuna. Ndi muthannga wa vhuḓi. Ndi striker tsha vhuḓi. Fhedzi ri na zwi striker zwinzhi.”

“Ndi na vhatambi vhanzhi, nahone zwi tshi tshimbilelana na pulane ya mutambo, tshiṅwe tshifhinga zwine zwa ḓisa uri ndi nnyi ane a ḓo tamba ndi tshivhumbeo tsha thimu tshine ra khou sedzana natsho.

“Ndi funa u tamba phanda… Fureme ya mutambo i toda zwinzhi. I toda mutambi a ṱavhanyaho ane a nga kona u kandela  phanḓa.”

“Hu na ṱhoḓea khulwane kha zwa u ḓilugisa, roṱhe na thimu yanga ri nanga vhatambi nga u sedza tshivhumbeo tsha thimu ine ra khou tamba nayo.”

Ouaddou o amba uri u pfesesa u dinalea ha vhatikedzi musi vhatambi vhane vha vha funa vha sa khethiwi.

Fhedzi o kombetshedza uri u nanga thimu yawe zwi  thewa kha ṱhoḓea dza mutambo muṅwe na muṅwe.

“Ndi na Makgopa, Mbuthuma, Radiopane, April, Luthuli,” ho engedza Ouaddou.

“Ndi na vhatambi vhatanu kha vhuimo vhuthihi. Nahone ngoho, tshinwe tshifhinga vhanwe vhatikedzi vha nga pfa unga hu na tshimbevha, fhedzi ahuna na tshithihi tsha zwenezwo.”

• VHALANI HAFHU : Vhupfiwa ha Maswanganyi malugana na u sa nangiwa kha Afcon

Vhuimo ha mutambi wa phanḓa vhu ḓo dovha ha khwaṱha sa izwi Pirates yo saina Andre de Jongh wa Stellenbosch FC.