Sibisi o amba nga ha mutsiko wa tshiphuga tsha u thoma sa mukapuṱeni

Sibisi o amba nga ha mutsiko wa tshiphuga tsha u thoma sa mukapuṱeni

Mukapuṱeni wa Orlando Pirates Vho-Nkosinathi “iBhodlela” Sibisi vho zwi bvisela khagala uri a vha fhasi ha mutsiko wa u wina tshiphuga tshavho tsha u thoma.

Nkosinathi Sibisi u do ranga phanda Pirates kha final yavho ya u thoma ubva tshe vha tholiwa sa captain wa  mathomoni a ino khalanwaha.

U ḓo vha ene mugidimi wa phanḓa wa u takula tshiphuga tsha MTN8 arali vha kunda Stellenbosch FC kha mutambo wa u fhedzisela tshitediamu tsha Mbombela nga Mugivhela vhusiku.

“Ndi nga amba uri ahuna mutsiko, ndi vhona unga ndi tshipikwa tshashu sa thimu hu si nne fhedzi, u thusa team uri i dovhe i tsireledze khaphu iyi.

“Ndo vha ndi tshipiḓa tsha u bvelela ha thimu tshifhingani tsho fhiraho, ro wina zwiphuga zwiṱanu, u wina tshiphuga itshi hafhu na thimu zwi ḓo vha zwo khetheaho vhukuma kha nṋe.

“Ngauralo a hu na mutsiko kha nṋe na luthihi fhedzi hu na mutsiko kha muthu naho e ufhio,” ho amba Sibisi, musi a tshi amba na vhoramafhungo ino vhege.

• vhari wana kha facebook| facebook.com/profile.

Nkosinathi Sibisi, we a fara miṅwaha ya 30 vhege mbili dzo fhiraho, na ene o dzumbulula uri u kha tshiimo tshavhuḓi nahone o ḓiimisela u tamba.

Hezwi zwi khou ḓa nga murahu ha musi o xelelwa nga mitambo ya Pirates ya zwenezwino nga murahu ha vhulwadze he ha ita uri a si kone u tamba mitambo i si gathi.

“Ndo takala u vhuyelela kha thimu hafhu, ri a zwi ḓivha uri u ḓo vha mutambo u konḓaho,” o isa phanḓa.

“Fhedzi ro zwi lavhelela nga fulufhelo ḽa uri ri ḓo wana mvelelo, ro ḓiimisela u ita ḓivhazwakale hafhu.”

Vho dovha vha khoḓa mushumo wa muthusi wavho wa miṅwaha ya 19 Vho-Mbekezeli “TLB” Mbokazi kha u ḓikumedzela havho musi vha siho.

• VHALANI HAFHU: Mbekezeli Mbokazi wa Orlando Pirates o takadza Dr khumalo

“Ndi a fhululedza Mbokazi kha u vha kaputeni wa thimu, ndi vhona o ita mushumo wavhuḓi vhukuma.

Translated by Nthaduleni Rolivhuwa