Broos u talutshedza uri ndi ngani a songo timatima u nanga Mofokeng

Vho-Hugo Broos vho talutshedza uri ndi ngani zwo vha zwo vha lelutshela u nanga mutambi wa Orlando Pirates Relebohile Mofokeng kha tshigwada tshavho tsha AFCON.

Mugudisi muhulwane wa Bafana Bafana Vho-Hugo Broos vho talutshedza tsheo yavho ya u dzhenisa mutambi wa winger wa Orlando Pirates Relebohile Mofokeng kha tshigwada tshavho tsha mitambo ya AFCON.

Broos o bula tshigwada tshawe tsha vhatambi vha 25 uri tshi ite nndwa Morocco mafheloni a uno nwedzi, 

Mofokeng o vha e munwe wa vhatambi vha fusumbe vha Bucs vhane vha do dzheniswa kha tshigwada tsha u fhedzisela.

Mutambi wa minwaha ya 21 o xelelwa nga mitambo ya u fhedzisela ya u dzhena kha World Cup nga nthani ha u huvhala nahone ho vha na nyofho kha vhatikedzi uri ‘President yama 2k’ i nga xelelwa nga thonamennde ya dzhango.

U bva tshe a vhuya, Mofokeng o ṱuṱuwedza Pirates uri i kunde kha ligi nga murahu nahone a ita na u vha Man of the Match musi vha tshi tamba na Durban City.

Mugudisi wa Bafana o ṱalusa Mofokeng sa mutambi wavhuḓi nahone a re na vhukoni.

“Nga ha Relebohile, ndi a mu takalela sa mutambi. Ndi mutambi wavhuḓi vhukuma; ndi mutambi a re na vhukoni vhukuma.

“Ndo vha na thaidzo dzi si gathi ino vhege yo fhiraho nga ṅwambo wa u huvhala, ngauralo ndo vha ndo takala vhukuma u mu vhona a tshi dovha a tamba na Pirates, ndi ngazwo ndi songo timatima na sekondi nthihi u mu nanga,” Broos o ralo.

Mofokeng o tamba lwa u thoma kha Bafana nga fhasi ha Broos ṅwaha wo fhiraho musi e na miṅwaha ya 19.

U bva tsheetsho, o tamba mitambo miṱanu kha thimu ya lushaka nahone o ita na u kora tshikoro tshawe tsha u thoma musi a tshi tamba na Lesotho mathomoni a ṅwaha uno kha mitambo ya world cup qulifiers.

Nga murahu ha u lwisana na fomo kha ino khalanwaha nahone a si khethiwe nga tshifhinga tsha mutambo wa vhukonani wa u fhedzisela wa Bafana na Zambia.

• VHALANI HAFHU: Hlungwani o khoḓa malugwane wa mutambo wa Chiefs na Zamalek

Mathomoni a uno nwaha, Mofokeng na ene o vha a tshi khou tambula nga fomo, fhedzi Broos o hana u mu litsha nahone nṱhani hazwo a mu tikedza uri a vhuyelele kha vhuimo hawe ha khwine.