Cardoso ha khou sola Williams kha vhukhakhi he a itea

Mugudisi wa Mamelodi Sundowns Vho-Miguel Cardoso vho hana u vhona mulandu Ronwen Williams nga murahu ha vhukhakhi  ha mukapuṱeni musi vha tshi tamba na Siwelele nga 1-1.

Pasi i si na nungo i bvaho kha Kegan Johannes yo bvisela khagala Ronwen Williams nga nḓila i si yavhuḓi.

Zwa ita uri Tebogo Potsane a mu litshe  a i rumela kha Vincent Pule uri a fhedze nga nḓila i leluwaho.

Cardoso o ombedzela uri u sasaladza Williams kana JOhannes zwi ḓo vha zwi songo tea kha mutambi muṅwe na muṅwe.

“Ri na mulindavhuno we ṅwaha wo fhiraho a vha ene mulindavhuno wa khwiṋesa Afrika, nahone u fanelwa nga ṱhonifho,” o ralo.

“Ha ṱoḓi u livhuwiwa nga nḓila i si yavhuḓi; u ṱoḓa ṱhonifho fhedzi, nahone ndi zwenezwo fhedzi zwine nda mu ṋea zwone.”

Vhuimo ha Ronwen Williams vhu kha ḓi vha ha ndeme, musi ri tshi sedza u nangiwa hawe sa Mulindavhuno wa Ṅwaha wa Caf na u dzhielwa nṱha ha ḓivhazwakale ya Yashin Trophy kha vhatambi vha re Afrika kha dzitshakatshaka.

Sundowns yo linganisa nga Lebo Mothiba, we a kora nga murahu ha u ṱangana ṱhoho ho katelaho Iqraam Rayners, a tsireledza tshikoro tshawe tsha u thoma tsha PSL kha tshigwada.

Draw yo hanela Sundowns vhuimo ha ntha, Orlando Pirates yo ranga phanda nga points dza 28 kha mitambo ya fumimbili musi khalanwaha i tshi khou khwatha.

Sundowns i kha ḓi vha kha vhuimo ha vhuvhili ho khwaṱhaho nga phoindi dza fumbili-rathi kha mitambo ya fumi-raru, nga murahu ha u xelelwa nga zwikhala zwa u fhira vhapikisi vhayo vha Soweto vhukati ha vhege.

Cardoso naho zwo ralo o vha a sa ṱoḓi u kokodzwa kha mbambe ya u dzhia tshiphuga u swika zwino, nahone nṱhani hazwo o tamela Afrika Tshipembe mashudu nga tshifhinga tsha holodei dza khalanwaha ya vhuṱambo.

“Ndi khou ṱoḓa u rumela mashudu anga kha thimu ya lushaka ya Afrika Tshipembe,” ho amba Cardoso.

• Vhalani hafhu: Mngqithi o mangadzwa nga u pandelwa ha Hunt

“Ri tamela MaAfrika Tshipembe vhoṱhe Khirisimusi yavhuḓi na Ṅwaha Muswa wavhuḓi nga hetshi tshifhinga.”