Mngqithi o mangadzwa nga u pandelwa ha Hunt

Mugudisi wa Golden Arrows Vho-Manqoba Mngqithi vha tenda uri Gavin Hunt o vha a tshi khou ita mushumo wavhudi kha thimu ya Durban City FC.

Vho amba hezwi nga murahu ha tsheo ya kilabu i mangadzaho ya u fhandekana na mugudisi a re na tshenzhemo nga Musumbuluwo.

Durban City yo ḓivhadza uri Hunt o ṱuwa nga u ḓifunela nga murahu ha musi bodo yo sedzulusa nḓila ine ya ṱoḓa uri tshigwada tshi ye khayo.

I amba uri nga murahu ha u sedzulusa, vhalanguli vho mbo ḓi vhea “nḓila ntswa” miṅwedzi i si gathi nga murahu ha musi yo no dzhena kha Betway Premiership.

Musi vha tshi amba nga murahu ha musi Arrows yo kundwa nga AmaZulu nga 1-0 ino vhege, Vho-Mngqithi vho khoḓa ṱhuṱhuwedzo ya Vho-Hunt.

“Nga kuvhonele kwanga Gavin u kha ḓi tshimbila zwavhuḓi ngei Durban City,” Mngqithi o vhudza vhavhigi vha mafhungo.

“O shumisa vhatambi vhaswa vhanzhi vhe vha ita zwavhuḓi nahone vhe vha vha vha tshi vho ita zwavhuḓi vhukuma na kha NFD.”

Manqoba Mngqithi o kombetshedza uri thimu i kha vhuimo havhuḓi musi ri tshi sedza uri i kha ḓi tou bva u dzhena kha ligi, nahone a khoḓa tshanḓa tsha Gavin Hunt.

“Vhuimo havho kha logi ndi havhuḓi vhukuma sa izwi vha tshi tou vha thimu i bvaho kha NFD,” vho engedza nga u ralo.

Fhedzi musi vha tshi khou khoḓa mvelaphanḓa ya Vho-Gavin Hunt, Vho-Manqoba Mngqithi vho amba uri a vha na maanḓa a u sasaladza vhurangaphanḓa ha Kiḽabu. 

Durban City yo thola tshanḓa tsha mugudisi wa kale Vho-Pitso Dladla sa mugudisi wa tshifhinganyana musi hu tshi khou ṱoḓiwa muthu ane a ḓo vha dzhiela vhudzulo nga tshifhinga tsha u awela tsha Afcon.

Kha mutambo wawe wa u thoma a tshi khou langa, Dladla o ranga phanḓa thimu kha u kunda Orbit College nga 2-0 nga Ḽavhuraru vhusiku.

Mvelelo yo takusa Durban City kha vhuimo ha vhusumbe kha logi.

• VHALANI HAFHU : Kwinika u toḓa Chiefs i tshi sedza kha u muṱaṱisano kha ligi

Fhedzi vha nga kha ḓi tsela kha vhuimo ha vhumalo arali TS Galaxy ya kunda Kaizer Chiefs nga Swondaha .