Mbokazi otakala nga u ḓi ḓivhadza kha thimu yawe ntswa
Mutsireledzi wa Orlando Pirates Mbekezeli Mbokazi o sumbedza u takala musi a tshi dzhena kha tshigwada tsha bola ya milenzhe tsha Chicago Fire.
Nga murahu ha mivhigo ya uri mutambi wa minwaha ya 20 o dzhiiwa nga Chicago nga mbadelo kha Pirates i fhiraho R50 million.
Mbekezeli Mbokazi o ḓivhadzwa lwa tshiofisi sa mutambi wa Chicago Fire nga Ḽavhuvhili nga masiari, zwe zwa fhelisa mavharivhari.
O aravha kha u pfulutshela hawe kha ligi hune a ḓo ṱangana na vhatambi vha ngaho Lionel Messi, Thomas Muller, Eric Maxim Choupo-Moting, Wilfried Zaha na Luis Suárez.
Mbekezeli Mbokazi o amba na vhatikedzi vha Chicago Fire, vha tshi sumbedza u takala havho.
“Dzina ḽanga ndi Mbekezeli Mbokazi nahone ndi khou takalela u dzhena kha kilabu iyi ya lufuno,” o vhudza vhoramafhungo vha kilabu.
“Ndi a fulufhela uri zwoṱhe zwi ḓo tshimbila zwavhuḓi musi ndi tshi dzhena kha heyi kilabu.Chicago Fire ndi dzina ḽa thimu.”
O tendelwa u tamba kha tshigwada tsha Orlando Pirates kha mutambo wa u fhedzisela wa Carling Knockout na Marumo Galants nga Mugivhela.
Hezwi zwi ḓo shuma sa mutambo wawe wa u fhedzisela kha Orlando Pirates hune a ṱavhanya u ḓiitela dzina hu sa athu fhela ṅwaha.
