Hlungwani o khoḓa malugwane wa mutambo wa Chiefs na Zamalek
Malugwane wa kale wa ligi ya milenzhe ya Premier Vho-Victor Hlungwani vho khoḓa muofisiri wa mutambo wa Rwanda Vho-Samuel Uykunda.
Hlungwani uri Uykunda o sumbedza vhuhali musi a tshi thivhela tshikoro tsha Zamalek kha mutambo wavho wa Caf Champions League na Kaizer Chiefs.
Zamalek yo isa mbilahelo lwa tshiofisi kha Caf nga ha tsheo yeneyo na dziṅwe tsheo dze vha vhona dzi si dza vhuphurofeshinaḽa.
Vha khou kombetshedza vhukati ha zwiṅwe zwithu uri tshikoro tsha Seifeddine Jaziri — tsho bviswaho nga ṅwambo wa vhukhakhi — tsho vha tsho fanela u vha tshone.
Fhedzi Vho-Victor Hlungwani – vhane zwino vha shuma sa Refereeing analyst kha SABC Sport – vhari muhaṱuli o ita zwo teaho.
Tshiwo itshi tsho katela mutsireledzi wa Chiefs Inacio Miguel, we a dzhena fhasi nga murahu ha vhukwamani vhu bvaho kha Jaziri.
Hlungwani o ṱalutshedza uri mutambi wa bola o shumisa tshanḓa tshawe u sukumedza Miguel nga murahu, nyito ine ya vha mulandu.
“Hu na u sukumedzwa kha Miguel, nahone musi u tshi sukumedza mukhaedu nga murahu zwine zwa ita uri mutambi a we, ho no itwa mulandu,” Hlungwani o ralo kha Soccerzone.
“Malugwane a re tsini o lidza tshipiriri kha u sukumedza. Ngauralo, tsheo yo teaho nga malugwane ya u lidza u itela u sukumedza.”
Kha mbilaelo yavho kha Caf, Zamalek yo dovha ya ita khuwelelo ya uri VAR i shumiswe kha zwigwada zwa muṱaṱisano uyu wa khaphu u itela u iledza vhukhakhi vhu ḓuraho ha vharefiri.
