Pirates, Chiefs na Sundowns vho kundelwa u wina

Mvelelo dza Ḽavhuraru dzo vha ṱhuṱhuwedzo khulwane kha vhatikedzi vha Orlando Pirates sa izwi vho khwaṱhisedza uri thimu yavho i ḓo dzhena kha tshifhinga tsha u awela i nṱha.

Zwiṅwe hafhu, vhapikisi vhavho vhahulwane, Kaizer Chiefs, vho kundelwa u gonya kha ḽeri ya Betway Premiership sa izwi vha tshi kha ḓi vha kha vhuimo ha vhuṱanu.

Izwi zwi khou tevhela mutambo wa Amakhosi na Chippa United nga 0-0 Stadium tsha Nelson Mandela Bay nga Lavhuraru nga madekwana.

Fhedzi Amakhosi i kha di kona u fhedza nwaha nga u khwinisa nyana, khamusi ya kona u swika kha vhuimo ha vhuraru arali ya kunda TS Galaxy nga Swondaha.

Mamelodi Sundowns, kha ḽiṅwe sia, yo kundelwa u vhuyelela kha vhuimo ha nṱha he ya vha i tshi khou ṱoḓa  bvisa  Orlando Pirates ye ya dzula kha vhuimo uhu mafheloni a vhege o fhiraho.

Masandawana – vhe vha fhedza mutambo vha si na Teboogo Mokoena nga murahu ha u wana garaṱa tswuku – vho ita draw na Siwelele FC.

Vho vha vha tshi khou sala murahu nga 1-0 kha mutambo wa stadium tsha Molemela we wa fhela nga u lingana nga 1-1.

• VHALANI HAFHU: Mbokazi otakala nga u ḓi ḓivhadza kha thimu yawe ntswa

Durban City, ye zwenezwino ya pandela mugudisi Vho-Gavin Hunt, yo kunda Orbit College nga nga 2-0 nnḓa ha mutambo.

Polokwane City na yone yo ponya u kundwa Cape Town nga u kunda Stellenbosch FC nga 2-1 stadium tsha Athlone.