Ndi nnyi ane a do dzhia vhudzuloha Maart kha chiefs?

Kaizer Chiefs yo nanga mukapuṱeni muswa nga murahu ha u ṱuwa ha Maart

Mugudisi muhulwane wa Kaizer Chiefs Vho-Nasreddina Nabi vho no wana kale mukapuṱeni muswa wa tshigwada musi Yusuf Maart a khou pfulutshela Austria.

Maart, wa miṅwaha ya 29, ho ngo ṱanganela na vhatambi ngae musi vhe kha khamphu yavho ya phanḓa ha khalanwaha ngei Netherlands.

Mutambi wa vhukati wa Amakhosi o kora tshikoro tsha u kunda kha mutambo wa u fhedzisela wa Nedbank Cup zwa ṋea Chiefs tshiphuga tsha u thoma nga murahu ha miṅwaha ya fumi.

Ho vhigwa uri mutambi wa kale wa Sekhukhune o saina thendelano ntswa na Glamour Boys nwedzi wo fhelaho, fhedzi a dzhia tsheo ya u pfulutshela nga murahu ha vhege dzi si gathi.

Kha mitambo miraru ye Amakhosi ya tamba ngei Netherlands, Miguel Inacio o ambara armband.

Mutambi wa Angola o dzhenelela sa mukapuṱeni musi Maart a siho kha khalanwaha yo fhiraho.

Nasreddine Nabi o takadzwa nga ndangulo ya Miguel, vhurangaphanḓa hawe, na vhukoni hawe ha u vhala matambwa.

Tshine tsha khou ḓisa fhasi ndi uri mutambi wa Angola u na vhukoni ha u wana dzi yellow card dzi sa ṱoḓei.

• vhari wana kha facebook| facebook.com/profile.

Vhukuma ndi ene muthu wa khwine kha u vha captain wa Kaizer Chiefs kha  khalanwaha i daho.

Kiḽaba a i athu mu khwaṱhisedza lwa tshiofisi sa mulangi wayo muswa, fhedzi nga ṅwambo wa uri o thoma mitambo yoṱhe ya phanḓa ha khalanwaha o ambara tshiṱangu,

Zwi tou vha khagala uri Miguel u ḓo dzhiela vhudzulo Maart sa mukapuṱeni.

Amakhosi yo xelelwa nga mutambi wavho wa ndeme vhukati ha mudavhi .

Thabo Cele ndi munwe muthu o khwathaho ane a nga dzhia vhuimo ha armband.

Mutambi wa vhukati wa minwaha ya 28 o sumbedza vhurangaphanda ubva tshe a dzhena kha thimu nga nwedzi wa Phando.

Arali Nabi a dzhia tsheo ya u dzhia armband kha Miguel, Cele u ḓo vha mulangi a tevhelaho wa Kaizer Chiefs.

• VHALANI HAFHU: Banyana yo fhirela phanda kha dzi WAFCON quarterfinals

Amakhosi i Netherlands kha mitambo ya phanda ha khalanwaha  fhedzi i fanela u vhuya shangoni mafheloni a ino vhege.