Mofokeng o tavhanya a wana ane a nga dzhia vhudzulo ha Nkota

 Ṋaledzi ya Orlando Pirates, Relebohile Mofokeng o wana pathinara ntswa na musi khonani yawe Mohau Nkota a sa athu ṱuwa kha tshigwada.

Nkota – we a vha e khonani na Mofokeng nga ngomu na nnḓa ha mudavhi – o dzhiiwa nga tshigwada tsha Saudi Arabia Ettifaq FC.

Rele Mofokeng o mu dzhiela vhudzulo nga Oswin Appollis sa izwi vhenevha vhavhili vho no thoma u sumbedza vhushaka havhuḓi na u pfana mudavhini – zwa ita uri vha vhidzwe nga dzina ḽa u ḓihudza ḽa ‘Terrible Twins’.

U shumisana havho ho vha hu tshi vhonala musi Pirates i tshi tamba 1-1 na vhahali vha Cyprus Pafos FC kha mutambo wa vhukonani nga Swondaha.

Vhavhili avha vho vha na mushumo wavhuḓi wa u ṱhasela we wa ita uri Pirates i linganise kha Senthara ya Bola ya Milenzhe ya Marbella, Spain.

Rele Mofokeng o wana bola yavhuḓi – ye ya bvisa tshikoro  u bva kha Oswin Appollis.

O mbo ḓi rembulusa bola nahone a i rwa nga vhutsila nga mulenzhe wawe wa tsha monde, a i panga ma mbuleni.

“Zwo thusa uri ndi sa tshuwe,” Mofokeng o vhudza SuperSport musi a tshi vhudziswa nga ha tshipikwa nga murahu ha mutambo.

• vhari wana kha facebook| facebook.com/profile.

“Ndo vha ndi tshi khou humbula u i gonya nṋe muṋe, fhedzi nda vhona bola yo ḓivha zwine nda khou ṱoḓa u ita. Ndo mbo ḓi i posa phanḓa…

“Ndo vha ndi tshi zwi ḓivha uri arali ya nkwama, i ḓo vha penalty. Appollis o nṋea pass yavhuḓi vhukuma. Zwo nndeludzela vhukuma.”

Appollis, we a tamba mutambo woṱhe nahone a tshi vhonala o ṱalifha, o mbo ḓi ṱalutshedza u fhira hawe.

“Ndo vhona Rele a tshi vho ṱuwa kale,” o ralo. “Ho vha hu na tshikhala vhukati ha mutambi wa murahu wa tsha monde na wa murahu wa vhukati…

“Ndo vhona uri arali nda i takula a i nga shumi, ndo mbodi i tamba fhasi,  ye vha vha vho i vula.”

Hoyu mushumo u mangadzaho wa vhutsila wo sumbedza vhuṱali na vhutsila ha vhatambi vhenevho vhavhili.

• VHALANIHAFHU: Ndi nnyi ane a do dzhia vhudzuloha Maart kha chiefs?

Musi Pirates i tshi khou sedza u ita zwavhuḓi kha miṱaṱisano ya hayani na ya dzhango, Rele Mofokeng na Appollis vha vhonala vho ḓiimisela u vha khoṋo kha zwoṱhe.