A huna tshi mangadzaho, u ralo Mokwena nga ha mutambo na Sundowns

Rulani Mokwena o landula mahumbulele a uri mutambo wawe une wa khou da wa Caf Champions League wo khethea u fhira mutambo we a tamba kha ino khalanwaha.

MC Alger i do tanganedza kilabu ya kale ya Rulani Mokwena Mamelodi Sundowns kha mutambo wo lavhelelwaho vhukuma wa tshigwada tsha B nga Ḽavhuṱanu vhusiku.

Ndi lwa u thoma Mokwena a tshi sedzana na tshigwada tshawe tsha kale u bva tshe a vha ṱutshela nga u ṱavhanya miṅwaha i ṱoḓaho u vha mivhili yo fhiraho.

“Ro thoma ndugiselo nga nḓila i fanaho na muṅwe mupikisi,” Mokwena o ralo kha muṱangano wa vhoramafhungo nga Ḽavhuṋa.

“Ri khou sedza kha vhukoni na vhushayanungo ha Sundowns u itela u ṋea vhatambi mafhungo o eḓanaho – hu si manzhi – u itela u lugisela mutambo.

“A si tshithu tsho khetheaho. Fhedzi ndi mutambo wa Champions League – mutambo u konḓaho… Mutambo muṅwe na muṅwe kha vhuimo uhu ha Champions League u a konḓa.”

Rulani Mokwena naho zwo ralo u do vha a tshi khou sedza u kunda  Sundowns uri thimu yawe i vhuyelele kha nḓila nga murahu ha musi yo kundwa kha mutambo wayo wa u thoma.

MC Alger yo kundwa nga 2-1 nga tshigwada tsha Sudan tsha Al Hilal mafheloni a vhege o fhelaho, ngeno Sundowns yo kunda St Eloi Lupopo nga 3-1 hayani.

• VHALANI HAFHU : Vhahali vha North Africa vho linga Pirates nga Saleng

U kundwa lwa vhuvhili nga u tevhekana kha muṱaṱisano zwi ḓo vhea tshigwada tsha Mokwena kha vhuimo vhu konḓaho.