Vhupfiwa ha muofisiri wa chiefs nga ha vhatambi vho nangiwaho
Mulanguli wa thimu ya Kaizer chiefs Vho Kaizer Motaung Jnr vho amba nga murahu ha musi vhatambi vhana vha chiefs vho vhidziwa kha Bafana Bafana qualifiers.
Vhatambi vho khethiwa kha tshigwada tshine mugudisi Hugo Broos a ḓo tshi nanga khatsho uri vha ye kha khapi ya dzitshaka dza Afrika ngei Morocco ṅwedzi u ḓaho.
Brandon Petersen, Thabiso Monyane, Bradley Cross na Mduduzi Shabalala ndi vhone vhokhethwaho vha Kaizer Chiefs kha tshigwada tsha vhatambi vha 54.
Tshivhalo tsha vhatambi vha chiefs ndi tshiṱuku vhukuma musi ri tshi vhambedza na vhatambi vha 12 vha Orlando Pirates na vha fumi vha Mamelodi Sundowns.
Motaung o humbela uri vha songo ḓifara luvhi ngauri vha kha ḓi vha tshigwada tsha u thoma, hu si tsha Morocco.
“Ri ṱoḓa vhatambi vha tshi sedza kha u tamba havho kha ligi, ngauri tshiimo tsha u tamba kha ḽeveḽe ya kilabu tshi ṱuṱuwedza mvelaphanḓa yavho u ya kha ḽeveḽe ya thimu ya lushaka.
“Vha tea u shuma, vha tea u vhea ṱhoho fhasi vha ṋea thimu zwoṱhe,” ho amba muofisiri.
Vho-Motaung vho ṱanganedza hezwi, vha ri ndi zwihulwane u vha na vhatambi vhane vha vhonala vha tshi khou shuma zwavhuḓi kha thimu.
Naho zwo ralo, Motaung o sumbedza fulufhelo, a ri: “Ri fulufhela uri ri ḓo kona u vha na vhatambi vhanzhi nga hune zwa konadzea ngaho kha vhuimo honoho, vhane vha ḓo imela shango kha Afcon.”
O fhedza nga u khoḓa Broos we a sasaladzwa vhukuma, nga maanḓa nga vhatikedzi vha Kaizer Chiefs, vhe vha mu pomoka uri ha takaleli thimu yavho.
“Mushumo we Hugo Broos a u ita wo vha wavhuḓi vhukuma nahone ndi zwavhuḓi u u vhona,” ho amba Motaung Jnr, a tshi ṱanganedza mvelaphanḓa ya Bafana.
Tshigwada tsha Afcon tshi khou lavhelelwa u divhadzwa mathomoni a nwedzi wa Nyendavhusiku musi ndugiselo dza thonamende dzi tshi khou thoma.
