‘Ndi zwe ra vha ri tshi zwi ṱoḓa,’ hu amba Hotto nga vhatambi vhaswa vha Pirates

Mutsireledzi wa Orlando Pirates Deon Hotto o khoḓa vhulanguli ha tshigwada kha maitele avho a u ḓisa vhatambi vha vhuimo ha nṱha musi vha tshi khwaṱhisa tshigwada.

Deon Hotto ndi munwe wa vhatambi vho shumaho tshifhinga tshilapfu kha Soweto club nahone u khou bvela phanda na u tamba nga ndila i sa shanduki.

U ḓikumedzela hawe a hu timatimisiwi, ndi ngazwo o vha muṅwe wa vhatambi vhe vha thoma mitambo nga fhasi ha vhagudisi vho fhambanaho.

Hezwi zwi khou itea naho o shandukiswa a vha mutambi wa murahu wa tsha monde.

Mutambi wa Namibia o dzhena kha Pirates sa mutambi wa winger ane a ṱhasela fhedzi nga murahu mugudisi wa Pirates Jose Riveiro a mu shandukisa a vha mutambi wa murahu.

Zwino mutambi wa minwaha ya 35 o dovha a sumbedza vhukoni hawe musi a tshi thusa Pirates kha u kunda Chippa United nga 2-0 kha Betway Premiership nga Lavhuvhili.

Hotto o mbo ḓi ṱomola bola yavhuḓi kha bogisi ḽa Chippa a itela tshikoro tsha u vula.

Mutambi muswa Oswin Appollis o isa phanḓa na fomo yawe i mangadzaho nga u ṋea phasi ya vhuṱali ye ya dzhena kha nethe ya tshikoro tsha vhuvhili.

Musi vha tshi amba nga murahu ha mutambo we vha nangiwa sa mutambi wa khwine kha mutambo, vho vhudziswa nga ha vhatambi vhaswa na zwine vha shela mulenzhe khazwo ubva tshe khalanwaha ya thoma.

“U a ḓivha, ri khou tou ṱoḓa u livhuwa vhagudisi na vhalanguli vha kilabu kha u ḓisa vhatambi avha vha vhuimo ha nṱha,” ho amba Hotto. “Ndi zwine ra zwi ṱoḓa.”

Deon Hotto u do vha a tshi khou fulufhela u isa phanda na u gidima hawe kha fomo na u thusa Pirates u wana dzinwe phoindi tharu musi vha tshi tamba na Durban City nga Mugivhela.

• VHALANI HAFHU : PSL yo bvisa zwidodombedzwa zwa ndeme zwa Carling KO

U kunda ha Buccaneers kha mutambo uyu zwi do ita uri vha fhire Mamelodi Sundowns vha vhe ntha ha log, vha vhe ntha lwa u tou thoma kha ino khalanwaha.