Nigeria yo sumbedza nyofho dzavho kha Banyana Banyana
Nigeria yo sumbedza nyofho dzavho kha Banyana Banyana.
Zwenezwi mutambo wa tshiphuga tsha vhafumakadzi tsha Afrika wa Caf (Wafcon) u tsini na u fhela,
Vho-Ugochi Desire Oparanozie vho sumbedza nyofho dzavho kha tshigwada tsha Banyana Banyana.
U amba uri u vhona Banyana sa tshithithisi tshihulwane tsho imaho vhukati ha Super Falcon na tshiphuga kha thonamennde iyi ngei Morocco.
Musi vha tshi amba nga murahu ha musi Nigeria ḽo kunda Zambia nga 5-0 kha mutambi wo fhiraho, mutambi wa kale wa Super Falcons o khoḓa Afrika Tshipembe.
“Tshithithisi tshihulwane tsha Nigeria ndi Banyana Banyana, vhane vha vha vhahali vhane vha khou ḓilwela,” Oparanozie o vhudza Showmax Ḽigi ya Nṱha.
“Arali ra kona u fhira khazwo, zwi ḓo nga khaphu ya Wafcon ndi yashu kale.”
Vhahali vhavhili vha bola ya milenzhe ya vhafumakadzi vha Afrika vha do tangana kha zwine zwa khou lavhelelwa u vha semi-final ine ya do vha na zwikoro zwinzhi nga Lavhuvhili vhusiku.
Mutambo une wa ḓo farelwa Stade Larbi Zaouli ngei Casablanca, u ḓo thoma nga awara ya vhuṱahe nga madekwana nga tshifhinga tshapo.
Oparanozie, muhali wa nndwa dza Wafcon, o khoḓa kushumele kwa Nigeria kha vhuimo ho fhiraho ha muṱaṱisano.
O tenda uri nḓila ye a thoma ngayo muṱaṱisano a yo ngo mu ṋea fulufhelo ḽa uri a nga ya kule.
“Ndo vha ndi tshi khou vhilaela kha zwiteigi zwa zwigwada.
” Ro vha ri ntha vhukuma kha zwiwada fhedzi ro vha ri tshi khou tambula nga u kora zwikoro.
“Khamusi vho vha vha tshi khou tshidza Zambia,” o ralo a tshi khou sea.
O khoḓa vhuthihi ha thimu na u dzika hayo: “Vha vhonala vho ṱangana sa thimu — ndi thimu yo ṱalifhaho hoṱhe.”
Vho Oparanozie vho dovha vha khoḓa nyaluwo ya bola ya milenzhe ya vhafumakadzi Afrika,
u bva kha u engedzea ha mbuelo ya thimu u swika kha u engedzwa ha thimu kha Wafcon.
- VHALANI HAFHU : Nabi o amba nga ha vhatambi vhaswa vho engedzwaho kha thimu
“U wina mitambo zwino zwi ṱoḓa vhuḓidini ho engedzeaho. A zwi tsha vha zwithu zwine zwa nga itwa nga hu leluwaho,” ho engedza musidzana.
