Nabi o amba nga ha vhatambi vhaswa vho engedzwaho kha thimu
Mugudisi wa Kaizer Chiefs Vho-Nasreddine Nabi vho kovhelana mihumbulo yavho nga ha vhatambi vhaswa na vhe vha huliswa u bva kha thimu ya vhaswa.
Musi vha tshi amba nga ha lwendo lwavho lwa u ya Netherlands, he thimu ya vha na gammba yavho ya u gudisa, Nasreddine Nabi o sumbedza u fushea.
Vha Soweto giants vho no tamba mitambo mitanu nnḓa ha shango, vho kundwa miṋa vha kunda muthihi, hu tshi katelwa na musi vha tshi tamba na PEC Zwolle.
Naho ho vha na mvelelo, Nasreddine Nabi o sumbedza u fushea nga mvelaphanḓa ye a i vhona kha vhatambi vhawe vhaswa.
Vhatambi vhaswa vho katela Thabiso Monyane, Nkanyiso Shinga, Ethan Chislett, na Flavio Da Silva.
“Vha kha ḓi tea u ḓiḓowedza tshoṱhe kha thimu,” Nabi o vhudza thimu ya nyanḓadzamafhungo ya Chiefs.
“Fhedzi-ha, vhoṱhe vho kona u ḓowela maitele na tshivhumbeo tsha mutambo, nahone vha khou thoma u pfesesa zwine nda zwi lavhelela khavho.
- vhari wana kha facebook| facebook.com/profile.
“Ndivho yashu yo vha i ya u saina vhatambi vhaswa vhane vha ḓo ri isa kha vhuimo ha nṱha musi ri tshi vhambedza na khalanwaha yo fhiraho.”
Nasreddine Nabi o dovha a shumisa vhatambi vhararu vha thimu ya DDC (DStv Diski Challenge) ye ya wina tshiphuga kha khalanwaha yo fhiraho.
Ndi Thulani Mabaso, Naledi Hlongwane na Kabelo Nkgwesa. Hlongwane ndi ene we a kora tshikoro tsha u kunda musi a tshi tamba na Zwolle.
“A ri ṱoḓi u pandamedza avha vhaṱhannga vhaṱuku,” ho amba mugudisi o bebwaho Tunisia.
“Fhedzi-ha, ndi dzula ndo ḓiimisela u ṋea zwikhala vhatambi vhaswa arali vho fanelwa ngazwo.
“Arali ni wavhuḓi kha nṋe no no vha muhulwane kha u tamba. Ndi nḓila yanga ya u humbula yeneyo.”
- VHALANI HAFHU: Tshigwada tsha Siwelele FC tsho thola mugudisi muswa
Chiefs i khou lavhelelwa u isa phanḓa na ndugiselo dzayo Afrika Tshipembe phanḓa ha khalanwaha ntswa ya Betway Premiership.
Translated by Nthaduleni Rolivhuwa
