“Hu tshe na fhulufhelo kha Chiefs kha Confed Cup “– Kwinika

Zitha Kwinika u tenda uri Kaizer Chiefs i kha di vha na tshifhinga tsha u vhuedzedza fulo layo la tshiphuga tsha Caf Confederation Cup.

Kaizer Chiefs yo no kundwa kha mutambo muthihi na u ita draw kha mitambo mivhili u swika zwino kha tshigwada tsha muṱaṱisano wa dzhango.

Vho vula nga u kundwa nga Al Masry nga 2-1 ngei Egypt, he vha tamba nga murahu ha tshifhinga vha si na tshikoro zwa ita uri hu vhe na tshikoro.

Vho bva murahu vha linganisa na u wana poindi musi vha tshi tamba na Zamalek ya Egypt kha mutambo wa hayani mafheloni a vhege o.

Hezwi zwi sia vhe kha vhuimo ha vhuraru kha Group D nga poindi nthihi nga murahu ha mitambo mivhili.

Fhedzi Zitha Kwinika – ane a tamba sa mutsireledzi – u tenda uri zwi kha ḓi vha zwiṱuku kha muṱaṱisano uri a tshuwe.

“Nga hetshi tshifhinga ndi vhona unga ndo takala uri ndi khou wana miniti, nahone khamusi ndi khou tshimbila zwavhuḓi vhukuma,” ho amba Zitha Kwinika.

“Fhedzi tshithu tsha ndeme ndi thimu. Musi ri tshi wana mvelelo dzavhuḓi ndi vhona u nga zwi ita uri zwithu zwoṱhe zwi vhe khwine malugana na u fhaṱa fulufhelo.

“Fhedziha, kha mitambo yashu ya Caf ya zwenezwino, a ri athu wana mvelelo dze ra vha ri tshi dzi ṱoḓa fhedzi a zwi athu vha zwivhi.

Mutambi wa miṅwaha ya 31 o bvela phanḓa a ri: “Ri kha ḓi vha na mitambo minzhi ine ra fanela u i tamba.”

Kwinika uri Kaizer Chiefs yo guda kha mitambo yayo ya u thoma ya zwigwada nahone i do vha khwine kha mitambo ine ya khou da.

O zwidivha uri vha tea u wina mitambo yavho i tevhelaho uri vha wane poindi uri vha kone u dzhena kha dzi knockout.

“Ro guda kha mitambo mivhili yo fhiraho ye ra i tamba nahone ro khwinisa kha u lugisela mitambo ine ya khou ḓa.

“Khamusi ri ḓo fanela u wana poind dzo fhelelaho kha yeneyo mitambo u itela u dzhena kha vhuimo vhu tevhelaho,” o engedza nga u ralo.

• VHALANI HAFHU: Broos o nanga vhatambi vhane vha ḓo vha standby kha Bafana

Fhedzi zwa zwino, Amakhosi i do sedza kha fulo layo la Betway Premiership hune ya vha kha vhuimo ha vhune nga murahu ha mitambo ya 11.