Teko Modise u tikedza TLB Mbokazi kha u ya kha ḽa US

U sainiwa ha Mbekezeli “TLB” Mbokazi kha tshigwada tsha Chicago Fire zwo vusa khanedzano nahone Teko Modise o bvisela khagala muhumbulo wawe nga ha mafhungo aya.

Mbokazi o saina kha thimu ya bola ya milenzhe ya ligi khulwane ya US (MLS) mafheloni a nwaha wo fhelaho a tshi bva kha Orlando Pirates.

U dzhena hawe kha thimu ya US ine ya divhea nga u kunga vhatambi vhane vha vha tsini na u bva mushumoni a zwo ngo tshimbila zwavhudi kha vhanwe.

Kha vhane vha sumbedza u sa takalela u ṱuwa ha Mbokazi ndi mugudisi wa Bafana Bafana Vho-Hugo Broos.

Mugudisi vhari u ṱuwa hawe a zwi nga ḓo thusa TLB u aluwa sa mutambi nahone o vha a tshi ḓo vha khwine arali a ya Europe.

Fhedzi muhali wa Bafana Teko Modise o bvisela khagala uri u a pfesesa uri ndi ngani Mbekezeli Mbokazi o ṱanganedza tshikhala tsha u ya US.

Musi vha tshi khou amba kha inwe ya dzi Podcast, vho amba uri arali tshikhala tsho raloho tsha vha hone, vho vha vha sa do tshi fhira nahone vha talutshedza uri ndi ngani.

“Arali tshikhala tshe Mbekezeli Mbokazi a tshi wana tsho ḓa kha nṋe, ndo vha ndi sa ḓo humbula luvhili,” ho amba Teko Modise.

“Ni a ḓivha ngani?Ngauri mafheleloni, tshelede ine vha i hola fhano i fhirwa nga tshelede ya hangei nga piḓa badi.

• VHALANI HAFHU: Ndi ngani Junior Khanye a tshi timatima Chiefs kha ḽigi

Zwa zwino Modise u khou shuma sa muṱalutshedzi kha SuperSport TV sa izwi o ita lupfumo.

O tenda uri na ene o vha e na tshikhala tsha u ya nnḓa ha shango, fhedzi zwo vha zwi sa fani na tshe Mbokazi a wana uri a ite lupfumo.