Mutambi wa Orlando Pirates wa 30 million o vhonala Spain
Orlando Pirates yo vhea mutengo wa R30 million kha mutambi wayo wa ṋaledzi Relebohile Mofokeng fhedzi naa u ḓo ṱuwa zwa vhukuma kha ino khalanwaha?
Muṱhaseli a re na vhukoni o wana zwifhiwa u bva kha kilabu dza Israele na Major League Soccer (MLS),
Fhedzi fhethu hune a hu funa hu vhonala hu huṅwe ha ligi ṱhanu dza nṱha dza Europe.
Vhumatshelo ha Mofokeng na Buccaneers a vhu athu ḓivhea,
Naho o tshimbila na thimu Spain kha vhugudisi havho ha phanḓa ha khalanwaha.
Vho-Sechaba Mofokeng vha na fulufhelo ḽa uri ṋaledzi ya Bafana Bafana i ḓo pfulutshela Yuropa kha ino khalanwaha i ḓaho.
Orlando Pirates yo vhea mutengo wa R30 miḽioni kha Mofokeng
“Lutamo lwanga luhulwane ndi u vhona Rele a tshi tamba mashangoni a nnḓa kha khalanwaha ya 2025/2026.
” Ndi khou rabela ḓuvha ḽiṅwe na ḽiṅwe. A thi ṱoḓi u mu vhona kha Betway Premiership hafhu kha khalanwaha ino.
“Ndi a zwi ḓivha uri Mudzimu u ḓo fhindula thabelo dzanga,” ho amba Sechaba Mofokeng.
“Hu sa londwi uri ndi Spain, England, Netherlands, France, Denmark, kana Switzerland, Rele a nga tamba.
” Ndi tenda khazwo nga mbilu yanga yoṱhe. Mu iseni Barcelona? A nga tamba. PSG? A nga tamba.
“Shango ḽiṅwe na ḽiṅwe ḽi nga vha ḽavhuḓi khae — fhedzi hu si Saudi Arabia,” o engedza nga u ralo.
Musi e na miṅwaha ya 20 fhedzi nahone e na zwiphuga zwiṋa kha dzina ḽawe.
Mofokeng ho ngo fanela u ṱutshela Orlando Pirates nga tshithu tshi re fhasi ha R30 miḽioni.
Vhatikedzi vhanzhi vha tenda uri u na ndeme i fhiraho yeneyo.
Fhedzi Buccaneers i nga vha i tshi khou ṱoḓa tshelede tshi re tsini na tshenetsho tshivhalo.
- Vhalani hafhu :TS Galaxy yo fhandekane na Dzenan Zajmovic
Kiḽaba khulwane dza Europe dzi nga kha ḓi sa timatima u badela mutengo uyu musi ri tshi sedza miṅwaha ya mutambi na vhukoni hawe.
Translated by Nthaduleni Rolivhuwa
