Orlando Pirates yo lugela u ita ndugiselo dza Chan

Orlando Pirates yo dovha ya wana tshikhala tsha u sedzulusa tshiimo tshayo musi season ntswa i sa athu thoma.

Zwi khou vhonala uri thimu ine ya kha di tou bva u vhuya kha khempheni ya Spain.

I khou pfa mufhiso wa muṱaṱisano u bva kha ḽiṅwe ḽa mashango ane a ḓo tamba kha Caf African Nations Championship (Chan) ṅwedzi u ḓaho.

Musi vhe Spain, Orlando Pirates yo tamba mitambo miṋa ya vhukonani ya maimo a nṱha – ya kunda muthihi, ya kundwa muthihi, na u ita draw mivhili.

Zwino ngauri yo vhuya, i kha ndugiselo dza u fhedzisela dza u thoma fulo ḽa MTN8 ḽine ḽa ḓo thoma nga ḽa 2 Ṱhangule  ngei Orlando Stadium.

Fhedzi phanḓa ha zwenezwo, nga Mugivhela, Pirates i ḓo ṱangana na thimu ya lushaka ya Angola kha mutambo wa vhukonani.

Hoyu a si mutambo wa u sumbedza fhedzi, fhedzi ndi mutambo une thimu mbili dza ḓo u shumisa u ḓilinga lwa u fhedzisela hu sa athu thoma dzithonamente dzine dza ḓo tamba khadzo dzo fhambana.

Thimu ya Angola zwa zwino i khou fara gammba yayo ya vhugudisi Afrika Tshipembe musi i tshi khou lugisela CHAN.

Kha mugudisi wa Angola Vho Pedro Gonçalves, mutambo uyu na iṅwe ya thimu dzi ṱhonifheaho vhukuma dza Afrika ndi tshikhala tshihulwane tsha u khwaṱhisa zwiṅwe zwithu zwo vuleaho.

U ḓo dovha a ṱola tshiimo tsha thimu yawe musi hu sa athu thoma thonamennde ya dzhango, ine a sa khou ṱoḓa u i wina.

Thonamennde i ḓo thoma nga ḽa 2 Ṱhangule ya fhela nga ḽa 30 Ṱhangule nahone i ḓo farelwa mashango mararu – Kenya, Uganda na Tanzania.

Orlando pirates i do di lugisela mutambo wayo wa MTN8 na Polokwane City tshitediamu tsha Orlando nga dzi 2 dza Ṱhangule.

• Vhalani hafhu : Kobamelo Kodisang o ṱutshela Sundowns, o humela Portugal!

Mutambo uyu ndi tshinwe tshikhala tsha mugudisi muswa Abdeslam Ouaddou tsha u sedzulusa vhatambi vha u thoma vha Polokwane City.

Translated by Nthaduleni Rolivhuwa