Thalente Mbatha o bvisela khagala ndivho ya orlando pirates kha ligi

Mutambi wa vhukati wa Orlando Pirates Thalente Mbatha o rumela ngeletshedzo i pfalaho kha vhapikisi vhavho vha tshiphuga tsha Betway Premiership.

Mutambi wa minwaha ya 25 u ombedzela uri Buccaneers yo diimisela u akuwa we vha guma hone musi hu sa thu aweliwa nga  Afcon .

Pirates i do vhuya kha mutambo nga Mugivhela nga 3.30pm. Vha do tamba na Sekhukhune United stadium tsha Peter Mokaba.

U LANGA

Thalente Mbatha uri a vha nga ḓo humela murahu. Musi tshifhinga tsha u awela tshi sa athu swika, Orlando Pirates yo vha i kha fomo yavhuḓi.

Vho no wina mitambo yavho ya tahe  kha mitambo ya fumi yo fhelaho ya ligi nahone vha tamba u lingana luthihi fhedzi.

“Ri a tenda uri ri ḓo takuwa he ra guma hone musi tshifhinga tsha u awela tshi sa athu swika,” ho amba mutambi wa vhukati Mbatha.

“Ri khou toda u dzula ri tshi kunda. Ro kundwa kha mutambo washu wa u thoma na Sekhukhune nahone kha tshifhinga hetshi ri tea u ita khwine. Ri khou toda poindi dzothe.”

AHUNA O HUVHALOHO

Mukapuṱeni wa Pirates Vho-Nkosinathi Sibisi vho khwaṱhisedza uri tshigwada tsha Soweto tshi ḓo khwaṱhisa mutambo watsho, vha tshi amba uri tshigwada tshoṱhe tsho ḓiimisela u tamba.

“Vhothe vho vhuya vhe kha fomo ya vhuḓi.Mugudisi u na tshigwada tsho fhelelaho tshine a nga nanga khatsho, zwine zwa vha zwavhudi kha rine musi ri tshi khou livha kha luta lwa vhuvhili” ho amba Sibisi.

VHATAMBI VHASWA

Buccaneers yo khwathisa tshigwada tshayo nga u swika ha Andre de Jong ubva kha Stellenbosch FC, khathihi na Mpho Chabatsane na Daniel Msendami ubva kha Marumo Gallants.

Mutambi wa phanḓa Tshegofatso Mabasa o hadzimiwa kha Stellenbosch u swika khalanwaha i tshi fhela nahone o kora tshikoro nga Ḽavhuvhili.

Pirates i khou livha kha mutambo wayo na Sekhukhune nga fhasi ha mutsiko sa izwi i sa do kona u ḓitika nga u xelelwa nga poindi.

• VHALANI HAFHU: Mutambi wa Zimbabwe o wana thendelano kha Betway Premiership

Zwino vho vhuya kha vhuimo ha vhuvhili nga murahu ha musi Mamelodi Sundowns yo kunda Orbit College ya gonya ntha.