Zwivhuya na zwivhi zwa u dzula ha Mofokeng inwe khalanwaha

Musi khalanwaha yo fhiraho i sa athu fhela, mutambi wa Orlando Pirates Relebohile Mofokeng o vha o no ḓi ṋewa ngeletshedzo ya u pfulutshela Europe.

Musi ho sala vhege i fhiraho nyana uri muṱaṱisano wa MTN8 u thome hafhu,

Mutambi wa miṅwaha ya 20 u kha ḓi vha na Buccaneers.

Zwa zwino o vha a tshi khou tshimbila na thimu Spain kha vhugudisi havho ha phanḓa ha khalanwaha, he a kora zwikoro zwivhili kha mitambo miṋa.

Maṱo a khae kha tshifhinga hetshi tsha u fhirisela.

Ndi mutambi wawe Mohau Nkota we a ṱutshela tshigwada a dzhena kha tshigwada tsha Saudi Ettifaq.

Ho vha hu na mavharivhari a uri Relebohile Mofokeng a nga ṱanganela na mutambi wawe wa kale, fhedzi a hu athu vha na zwine zwa kha ḓi bvelela.

Mutambi wa winger o vha na khalanwaha yavhuḓi na Pirates nahone o ita na u wana zwigidi zwi si gathi kha Bafana Bafana musi a tshi khou ita zwenezwo.

Relebohile Mofokeng u fanela u ṱuwa kana u dzulu? 

• Zwivhuya

Arali Rele a dzula inwe khalanwaha, a nga dzulela u ṱuwa nga January.

Musi Bafana Bafana i tshi khou ṱoḓa u tamba kha khapi ya dzitshaka dza Afrika,

Muswa uyu u ḓo vha na tshikhala tsha u sumbedza vhukoni hawe.

Afcon yavhuḓi i ḓo kunga dzangalelo ḽa thimu dza nṱha dza Europe. 

Zwine zwa ḓo ita uri a si vhe mutambi muhulwanesa wa Afrika Tshipembe fhedzi a vhe ṋaledzi ya ndeme ya Afrika.

Miṅwe miṅwedzi ya rathi i nga mu vhumba sa mutambi wa khwine na u engedza mutengo wawe u bva kha R30 u ya kha R100 miḽioni.

U ṱuwa ha Europe hu kha ḓi vha kha khadi, nahone arali a vhulunga fomo yawe, u ḓo tamba kha ligi ṱhanu dza nṱha, a zwi timatimisi.

• Zwivhi

Nga hetshi tshifhinga, Mofokeng u khou ḓiphina nga bola yawe ya milenzhe nahone u na manyanyu a u ṱuwa.

Arali a dzula, a nga pfa o fhelelwa nga nungo nahone nga Oswin Appollis a tshi khou tamba kha vhuimo hawe.

Zwi vhonala uri u ḓo shandukela kha tsha u ḽa.

Samusi o vha a tshi tamba vhukuma kha tsha monde, mushumo muswa u nga kha ḓi sa mu fanela zwavhuḓi.

Relebohile Mofokeng ha athu vhuya a vhaisala vhukuma fhedzi arali zwa itea,

A nga kha ḓi xelelwa nga Afcon nahone zwenezwo zwi nga vha na masiandoitwa khae.

• Vhalani hafhu :  Kaizer chiefs a i nga ḓo saina mutambi wa Bafana Bafana

Khalanwaha yawe i nga thithiswa nga u kundelwa u tshimbila, u huvhala, u tamba nnḓa ha vhuimo na zwinwe.

Translated by Nthaduleni Rolivhuwa