Mbuthuma o ṱanganedza vhutshilo sa muBuccaneer
Mutambi muswa wa tshigwada tsha orlando pirates Yanela mbuthuma u khou tshila muloro.
Mutambi wa minwaha ya 23, we a dzhena kha tshigwada tsha Soweto giants ubva Richards Bay,
U kha di tou bva u vhuya kha lwendo lwawe lwa u thoma lwa dzitshaka na Buccaneers nga murahu ha lwendo lwavho lwa u thoma lwa khalanwaha ngei Spain.
Na kha mutambi wa phanḓa muswa wa Bafana Bafana, zwithu zwo vha zwi sa ḓo tshimbila khwine.
“U swika zwino, kha Buccaneers, zwothe zwo zwo kwakwana.
Ndo farwa zwavhudi fhano, nahone a thi na zwine nda gungula,” Mbuthuma o vhudza SuperSport.
Mutambi wa vhukati wa lanky o saina thendelano ya miṅwaha miṱanu na Pirates nahone u khou ḓilugisela u lwela tshifhinga tsha mutambo kha tshigwada tsha phanḓa tshine tsha vha na muṱaṱisano wa nṱhesa tshine tsha vha na Tshegofatso Mabasa, Evidence Makgopa, na Boitumelo Radiopane.
Fhedzi kha Mbuthuma, lwendo lwo vha lwo khethea kale.
O bvukulula uri muthu wa u thoma we a mu vhudza nga ha u pfulutshela hawe kha Pirates ndi makhulu wawe.
- vhari wana kha facebook| facebook.com/profile.
“Ndi vhone vhane nda vha dzula navho, ndo vha ndi fanela u thoma u vhudza vhone.
Ndo vha vhudza uri ndi na mafhungo mahulwane… a uri ndi ḓo tamba kha tshiṱeidzhi tshihulwane tsha thimu khulwane. vho vha vho takala vhukuma,” o ralo.
Zwi takadzaho ndi uri Mbuthuma o dovha a kovhelana uri o vhuya a tamba sa mulindavhuno .
Musi khalanwaha ntswa i tshi khou sendela, Mbuthuma u fulufhedzisa u ṋea vhatikedzi tshithu nga nnḓa ha u shuma nga maanḓa:
“Vhatikedzi vha nga lavhelela vhuḓidini kha nṋe tshifhinga tshoṱhe musi ndi tshi dzhena mudavhini.”
Ndima ntswa i thoma — nahone Mbuthuma o ḓilugisela.
Translated by Nthaduleni Rolivhuwa
