Mutambi wa Chiefs o vhuya phanḓa ha mutambo na Zamalek

Kaizer Chiefs i ḓo khwaṱhisa ṱhaselo yayo musi i tshi khou livha kha mutambo wa ndeme wa zwigwada zwa Caf Confederation Cup na tshigwada tshihulwane tsha Egypt tsha Zamalek.

Mutambo wo lavhelelwaho vhukuma u do farelwa tshitediamu tsha Peter Mokaba nga Mugivhela nahone u do thoma nga awara ya vhuraru nga masiari.

Ndi lwa u thoma zwigwada zwi tshi ṱangana u bva nga 1993, zwine zwa ḓo engedza dakalo. Ticket dzi khou rengiswa nga R80.

Kaizer Chiefs i do khwathisedzwa nga u vhuya ha mutambi wa vhukati Gaston Sirino, we a vha o imiswa nga nthani ha ha yellow card.

Sirino ndi ene mutambi wa u thoma wa Chiefs u imiswa kha mutatisano ino khalanwaha nga murahu ha musi o kuvhanganya yellow card tharu.

O dzhia zwivhili musi a tshi tamba na Kabuscorp kha round ya u thoma ya u ṱanganedza na iṅwe musi a tshi tamba na AS Simba Kolwezi kha round ya vhuvhili .

Uya nga ha milayo ya Caf, arali mutambi a wana dziṅwe khadi tharu dza muvhala wa tshitopana — kana khadi tswuku — u ḓo imiswa lwa mitambo mivhili.

Kaizer Chiefs i kha di vha na mitambo mitanu ya group stage ine khayo mutambi wa Uruguay a do tea u lingedza u difara zwavhudi.

Mafhungo madifha ndi a uri arali Amakhosi ya bvela phanda na u swika kha knockout stages, khadi dzine dza vha hone dzi do phumulwa.

Fhedzi arali Sirino a kuvhanganya yellow card dza tahe kha muṱaṱisano nga u angaredza, u ḓo imiswa lwa tshifhinga tshoṱhe tsha thonamennde.

Mutambi wa minwaha ya 34 u na ḓivhazwakale ndapfu ya u kuvhanganya khadi dzi sa ṱoḓei nga ṅwambo wa u sa kona u langa.

• VHALANI HAFHU :  Riveiro o amba nga ha  fhambano dzawe na Saleng kha Pirates

Zwino o no kuvhanganya khadi dza 12 dza yellow kha mitambo ya 40 fhedzi ubva tshe a dzhena kha Kaizer Chiefs.