Mbilaelo dza Masilela  malugana na Khanyisa Mayo kha Chiefs

Mutambi wa kale wa Kaizer Chiefs, Tsepo Masilela, o bvisela khagala mbilaelo dzawe malugana na Khanyisa Mayo, mutambi wa phanḓa kha kilabu ya Naturena.

Khanyisa Mayo o dzhena kha Chiefs o hadzimiwa ubva  kha CR Belouizdad ngei Algeria mathomoni a ino khalanwaha.

Ho vha hu na dzangalelo ḽihulwane khae sa izwi zwo vha zwi u ḓadzea ha muloro wawe wa u tamba kha kilabu ye khotsi awe Vho-Patrick vha ita dzina ḽavho.

Fhedzi zwithu a zwi khou tshimbila nga nḓila ye a vha o lavhelelwa ngayo nahone Masilela o sumbedza u pfela vhuṱungu mutambi wa phanḓa.

“Ndi khou vhilaela nyana nga ha Mayo,” ho amba Masilela kha Podcast ya Soccer Beat nga murahu ha mutambo wa Ḽavhuraru.

Khanyisa Mayo ndi ene we a thoma mutambo, we Chiefs ya kunda nga 1-0 kha Marumo Gallants, fhedzi a bviswa musi u sa athu fhela sa izwi o vha a sa khou ḓipfa zwavhuḓi.

“A thi ḓivhi … Fhedzi hu na zwine zwa vha uri a zwo ngo tou luga nga hae – u kho sokou sa tshimbila zwavhudi.

“Vhuleme ndi ha uri o ḓa nga khadzimiso nahone arali zwo ralo, zwi bva kha uri u tamba hani arali o saina lwa tshoṱhe.”

Zwine vhatikedzi vha do zwi humbula nga ha Mayo ndi tshifhinga tshi si tshavhudi tshe a thithisa shotho ya Pule Mmodi ye ya vha i tshi khou toda u dzhena kha nethe, musi e offside.

• VHALANI HAFHU: Mafhungo maḓifha kha vhatikedzi vha Kaizer Chiefs

Malugwane o mbo ḓi hana tshikoro tshe tsha vha tshi tshi ḓo thusa Amakhosi u kunda mutambo na u kuvhanganya phoindi tharu dza ndeme.