Mutamba Murahu wa Sundowns u Ya kha Durban city
Mutambi wa murahu wa Mamelodi Sundowns Terrence Mashego hu khou pfala uri u Durban u fhedzisa thendelano yawe ya khalanwaha yoṱhe ya u kolodwa nga Durban City.
Uya nga ha KickOff, Sundowns yo tenda u mu litsha a ṱuwa a ṱoḓa tshifhinga tsha mutambo tshifhinga tshoṱhe kha Durban City ine ya kha ḓi tou bva u ṱuṱuwedzwa.
City, fhasi ha Gavin Hunt, i khou sedza vhatambi vhane vha sa shumiswe tshifhinga tshothe nga dzi kilabu dzavho uri vha lingedze na u dzula vha tshi tamba kha ino khalanwaha.
Nahone u swika zwino, vho ita mushumo wavhuḓi vhukuma fhedzi hu khou lavhelelwa vhatambi vhanzhi na mutambi wa Kaizer Chiefs ane a khou tambula Tashreeq Morris na ene u tshipikwa.
“Mutambi wa murahu wa tsha monde wa Mamelodi Sundowns Terrence Mashego u khou ṱoḓa u thoma ndima ntswa kha mushumo wawe.
“Nḓivhadzo ya tshiofisi i bvaho kha tshigwada ngae tsha Premiership ine ya khou lavhelelwa hu si kale,” hu vhala tshipiḓa tsha muvhigo.
“KickOff i pfesesa uri Sundowns na Durban City vho tendelana kha thendelano ya u koloda lwa tshifhinga tshilapfu mutambi wa tsireledzo wa miṅwaha ya 29, we a swika kale KwaZulu-Natal u fhedzisela u dzhia tsheo.
“Zwiko zwi re tsini na mafhungo zwo khwaṱhisedza uri thendelano yo no fhela, ho sala zwidodombedzwa zwitukutuku fhedzi phanḓa ha musi thendelano i tshi ḓivhadzwa.”
Translated by Nthaduleni Rolivhuwa
