Khune u khou toda Nabi a tshi dzula kha Chiefs
Mulindavhuno wa kale wa thimu ya Kaizer Chiefs na Bafana Bafana Itumeleng Khune u khou toda Nasreddine Nabi a tshi isa phanda na u vha mugudisi muhulwane.
Mutambi wa kale wa tshigwada tsha Kaizer Chiefs Itumeleng Khune o vhudzisa tsheo ya tshigwada ya u bvela phanḓa hu si na mugudisi muhulwane Vho-Nasreddine Nabi.
Mulindavhuno wa bola wa minwaha ya 38 we a vha o litsha mushumo u pfa uri mutambi wa Tunisia o vha o fanela u fhiwa tshifhinga tshinzhi sa izwi o vha ene mugudisi wa u thoma nga murahu ha minwaha ya fumi u wina khaphu.
Nabi o livhisa Amakhosi kha gundo ḽi sa hangwei ḽa Nedbank Cup nga ṅwedzi wa Lambamai naho zwo ralo, vhumatshelo hawe kha kilabu a vhu athu vhuya ha tsireledzea.
- VHA RI WANA KHA FACEBOOK| facebook.com/profile.
Kaizer Chiefs i kha ḓi ḓo ḓivhadza vhumatshelo ha Nabi hu tshi khou lindelwa ṱhoḓisiso dza nga ngomu, fhedzi mvelelo ine ya nga vha hone ndi ya uri mugudisi ha nga ḓo bvela phanḓa.
“Ee, zwi a vhaisa zwine zwa khou itea kha Kaizer Chiefs. Elelwani, lwa miṅwaha ya 10 yo fhiraho, Kaizer Chiefs a i athu wina zwiphuga zwa siliva, nahone mugudisi (Nabi) zwino o ḓa a zwi fhelisa,” Khune o ralo u ya nga Soccer Laduma.
“Zwino, ndi tama arali vho vha vho mufha tshifhinga tshinzhi ngauri u kho zwi vhona uri o vha a tshi kho u fhata mutshini wo ḓodziwaho oil zwavhuḓi.
“A tou vha masindambilu uri zwithu a zwo ngo mu tshimbilela zwavhuḓi”.
“Ngauralo, kilabu yo vha i tshi fanela u swika kha tsheo ya u fhandekana nae.
“Ndi nyimele i si yavhuḓi. Ndo vha ndi tshi ḓo takalela u mu vhona a tshi khou bvela phanḓa na kilabu, fhedzi hafhu, Kaizer Chiefs i kha bindu.”
- VHALANI HAFHU: Mavharivhari a Chippa na malugwane wa PSL a u ‘tswa’
Vhathusa mugudisi vhavhili vha khou lavhelelwa u isa phanda mafheloni a vhege musi Amakhosi i tshi tamba na Kabuscorp kha CAF Confederation Cup.
Translated by Nthaduleni Rolivhuwa
