Mnggithi: Broos o vha a tshi tou kombetshedzea u nanga Pirates
Vho Manqoba Mngqithi vha tenda uri zwi nga vha khwine kha Bafana Bafana arali ha vha na thimu dzi sa fhiriho sumbe dzine dza khou lwela thimu ya lushaka.
Fhedzi vhari ngoho ndi ya uri mugudisi wa Bafana Bafana Vho-Hugo Broos vha tea u saina vhatambi vhanzhi vha Orlando Pirates.
Vho-Manqoba Mngqithi vhari ndi zwigwada zwivhili fhedzi zwine zwa khou bveledza vhatambi vho fanelwaho nga thimu ya lushaka – Pirates na Mamelodi Sundowns.
Musi vha tshi amba nga ha tshigwada tshiswa tsha Broos tsha Afcon, Vho-Mngqithi vhari mugudisi ho ngo fanela u sasaladzwa.
“Zwa zwino ndi Pirates na Sundowns dzine dza khou bveledza vhatambi vha thimu ya lushaka,” vha ralo.
“Nga nḓila yavhuḓi, ri tea u vha na vhatambi vha thimu dza rathi kana dza sumbe vhane vha khou lwela zwikhala kha thimu ya lushaka.
O mbo ḓi ṋea tsumbo ya uri Pirates yo vha i na vhatambi vhanzhi u fhira Sundowns ngei Bafana.
Izwi ndi ngauri Sundowns wo tsela fhasi kha ṅwaha wo fhiraho – kana u bva tshe Rulani Mokwena a ṱuwa.
Hu dovha ha vha na mafhungo a uri kilabu zwino yo ḓitika nga maanḓa nga vhatambi vha manwe mashango vhane vha nga si kone u dzhena kha Bafana.
“U ya nga nyimele zwa zwino, arali na sedza thimu ye Hugo a i nanga, Pirates i na vhatambi vhanzhi nahone nga murahu Sundowns.
“Ndi nga si mu vhone mulandu nga zwenezwo ngauri zwo kombetshedzwa nga nyimele ya zwino,” Mngqithi o ralo.
“Vhathu vha ḓo amba zwiḽa na zwiḽa… fhedzi ngoho ndi ya uri Pirates i na vhatambi vhanzhi vha Afrika Tshipembe kha thimu yayo.
“Sundowns a i na vhatambi vha hayani vho eḓanaho. Thimu ya u thoma ya Sundowns zwino i na vhatambi vhaṱanu kana vhaṱahe vhane vha nga si kone u tamba kha Bafana.”
Pirates – vhane vha khou tshimbila zwavhuḓi – kanzhi vha katela vhatambi vha 10 vhapo kha mutevhe wavho wa u thoma.
- VHALANI HAFHU :Hunt: Orlando pirates ina thimu ya khwinesa fhano SA
Vhatambi vha nnḓa vhane vha vha kha tshigwada tsha Pirates kha ino khalanwaha ndi Deon Hotto na Abdoulaye Mariko fhedzi – ane ha tambi tshifhinga tshoṱhe.
