Mutambi wa Pirates Appollis o amba nga ha pfufho dza PSL

Oswin Appollis o ita zwithu zwihulwane kha Orlando Pirates lune zwino u kha mbambe ya u wana ṱhonifho ya nṱha ya PSL.

Hu khou winiwa ṱhonifho mbili khulwanesa – Mutambi wa Khalanwaha na Mutambi wa Bola ya Milenzhe wa Khalanwaha.

Mutambi wa minwaha ya 24 o dzhena kha Pirates mathomoni a khalanwaha, fhedzi o no vha murado wa ndeme wa tshigwada tsha Abdeslam Ouaddou.

Oswin Appollis o vha a ndeme kha u kunda ha thimu kha MTN8 nahone o thusa Orlando Pirates u swika kha mutambo wa u fhedzisela wa Carling Knockout.

Fhedzi musi vha tshi khou amba na vhoramafhungo phanḓa ha mutambo wa u fhedzisela wa mafhelo a vhege, vho amba uri a vha khou ṱoḓa vhugala ha muthu nga eṱhe.

“Mushumo wanga ndi u thusa thimu tshifhinga tshoṱhe,” ho amba Appollis musi a tshi vhudziswa nga ha khanedzano ine ya khou bvela phanḓa nga ha pfufho.

“Ndi amba uri u kora zwikoro ndi tshinwe tsha zwithu zwine nda sa sedze khazwo.

“Mushumo wanga ndi u ita zwavhuḓi u thusa thimu uri i kunde nahone ndi zwine nda sedza khazwo.”

U do vha munwe wa vhatambi vhane vhatikedzi vha Pirates vha do vha vha tshi khou vha fulufhela kha u thusa thimu yavho u wina khaphu ya vhuvhili kha ino khalanwaha.

• VHALANI HAFHU:Cardoso ha khou sola Williams kha vhukhakhi he a itea

Nga murahu ha final, u ḓo sedza kha thimu ya lushaka hune a ḓo dovha a vha muṅwe wa vhatambi vhane vha fulufhelwa nga Hugo Broos.