Vho-Hlungwani vha amba nga ha mutambo wa Chiefs na Arrows

 Malugwane  wa kale wa PSL, Caf na Fifa Vho-Victor Hlungwani vho amba nga ha tshiwo tshe tsha itea kha mutambo wa Kaizer Chiefs na Golden Arrows vhege yo fhiraho.

Tshiwo itshi tsho swika kha tshikoro tsha Kaizer Chiefs musi vha tshi tamba na Arrows kha ligi ya Betway.

Tshikoro tsho sia mugudisi wa Bafana Bes’thende Vho-Manqoba Mngqithi vho sinyuwa vhukuma nahone vha tshi khou ita khuwelelo ya uri PSL i ṱavhanyedze maitele a VAR.

O zwi bvisela khagala uri Aden McCarthy o vha e offside musi a tshi dzhia tshikoro .

Zwino Victor Hlungwani o bvisela khagala uri Kaizer Chiefs na yone yo benefitha nga vhukhakhi ho itwaho nga malugwane.

“Kha ri vhuyelele kha mutambo wa Chiefs-Arrows. Nga miniti ya vhu 39, ho vha na tshikoro tsho dzheniswaho nga Aden McCarthy,” ho amba Hlungwani.

“Ho mbo ḓi vha na free kick.Bola yo dzhiiwa ya rumelwa bogisini.

“Musi Lilepo a tshi kwama bola, McCarthy o vha o no vha fhethu hu songo teaho.

“Fhedzi nga lwa mulayo a hu na mulandu kha zwenezwo arali fhedzi u sa dzhenelela,” ho bvela phanḓa Hlungwani.

“Arali ni fhethu hu songo teaho, ni fanela u lindela ni vhone arali ni tshi khou tamba bola kana ni tshi khou dzhenelela nga iṅwe nḓila.”

O dovha a bvisela khagala uri vhanwe vhathu vho amba uri sa vhunga bola yo swika kha McCarthy ya vhuya i tshi bva kha mulindavhuno wa Arrows, zwi amba uri ha tsha vha fhethu hu songo teaho.

“Arali u tshi tamba bola u bva henefho, tshikoro a tsho ngo fanela u vhaliwa, hu na vhane vha ri ngauri tsho vhuya tshi tshi bva kha mulindavhuno, zwi amba uri o vha a si tsha vha kha offside.

“Vhathu avho vha kha ḓi tea u ḓa vha vha dzudza fhasi vha vha funza milayo ya bola ya milenzhe ngauri a hu na zwithu zwo raloho.

• VHALANI HAFHU: Mamelodi sundowns i ḓo dzhiela vhudzulo teboho mokoena

“Arali wa kwama bola u tshi bva fhethu ho khakheaho, naho yo vhuya i tshi bva mapalani, zwi amba uri ndi kale u fhethu hu songo teaho.”