PSL yo bvisa zwidodombedzwa zwa ndeme zwa Carling KO
Ḽigi ya Bola ya Milenzhe ya Premier (PSL) yo khwaṱhisedza zwidodombedzwa zwa ndeme malugana na tshifhinga tsha u thoma na thengiso ya thikhithi dza mutambo wa u fhedzisela wa Carling Knockout.
Mutambo wo lavhelelwaho vhukuma vhukati ha Orlando Pirates na Marumo Gallants u ḓo tambelwa tshitediamu tsha Peter Mokaba ngei Polokwane nga ḽa 6 Nyendavhusiku.
PSL yo divhadza uri finala i do thoma nga awara ya vhurathi nga madekwana, hune vhatikedzi vha zwigidi vha khou lavhelelwa u dadza tshitediamu.
Thikhithi dzi ḓo thoma u rengiswa u bva nga awara ya vhufumi nga matsheloni nga Ḽavhuṱanu (28 Lara), kha mavhengele a Open Tickets, Shoprite na Checkers shango ḽoṱhe.
Vhafuni vha nga dovha vha renga thikhithi kha inthanethe nga kha webusaithi ya tshiofisi ya Open Tickets.
Thikhithi dzi ḓo ḓura R100 nthihi, nahone hu ḓo tendelwa muthu muthihi fhedzi u dzi renga.
Vha PSL vho tsivhudza vhatikedzi uri vha iledze u rengiselwa nga vhathu vha nnda sa izwi thikhithi dzo rengwaho zwi siho mulayoni dzi tshi do hanelwa dzi gethe.
- VHALANI HAFHU:Ouaddou u amba nga u sa tamba ha Mbokazi madekwe
Vhafuni vhane vha khou toda hedzi thikhithi vha fanela u dzhia vhukando nga u ṱavhanya sa izwi dzi tshi khou lavhelelwa u rengiswa nga u ṱavhanya.
